ئۆتۆمبێلی زیاتر لە چوار پستۆن لە گەشتیارانی كوردستان بۆ ئێران قەدەخەدەکرێت

0
314

مەرزی نێودەوڵەتی باشماخ
مەرزی نێودەوڵەتی باشماخ

رووداو – هەولێر

بەڕێوەبەری گومرگی دەروازەی سنووری باشماخ رایگەیاند، ئێران بەنیازە چوونی ئۆتۆمبێلی زیاتر لە چوار پستۆن بۆ وڵاتەكەی لە گەشتیارانی هەرێمی كوردستان قەدەخە بكات.

شاخەوان بەكر، بەڕێوەبەری گومرگی باشماخ بە تۆڕی میدیایی رووداوی راگەیاند بەرپرسانی ئێران بە تەلەفۆن ئاگاداریانكردوونەتەوە نابێت ئۆتۆمبێلی گەشتیاران کە لە هەرێمی كوردستانەوە بۆ ئێران دەچن مەكینەكەیان لە 2.5 زیاتر بێت، واتە دەبێت تەنیا چوار پستۆن بێت.

لەبارەی هۆکاری ئەو بڕیارەوە شاخەوان بەکر دەڵێ “هۆكاری ئەو بڕیارەیان بۆ ئەوە دەگەڕێتەوە: بەنزین لە ئێران زۆر هەرزانە ‌و لیتری بە 100 دیناری عێراقییە. بۆیە نایانەوێت بەنزینی وڵاتەكەیان زۆر لەو رێگەیەوە بەكاربێت”.

بەڕێوەبەری گومرگی باشماخ ئەوەشی خستەڕوو، ئێران ئەو بڕیارەی تەنیا بە تەلەفۆن پێ راگەیاندوون، “هێشتا بڕیارەكە نەچووەتە بواری جێبەجێکردنەوە”.

ماوەیەكی زۆرە بەشێك لە گەشتیارانی هەرێمی كوردستان بە ئۆتۆمبێلی تایبەتی خۆیان گەشت بۆ ئێران دەكەن، بەڵام ماوەی دوو ساڵە ئێران رێگرە لەوەی ئۆتۆمبێلی ئەمریكی بچێتە نێو وڵاتەكەیەوە.

سه‌رچاوه‌

وه‌ڵام دانه‌وه‌

Please enter your comment!
Please enter your name here