ئێران هاوکاری مانگانەی خەڵک زیاد دەکات

0
332

بناژۆخوازان: حکومەت بە بەخشینی پارە بانگەشەی هەڵبژاردن دەکات

رووداو – هەولێر 

لە بەرەبەری هەڵبژاردنی سەرۆککۆماری ئێراندا کە بڕیارە مانگێکی دیکە بەڕێوەبچێت، حکومەتی ئێران بڕە هاوکارییەکی نەخدی مانگانە دەداتە ئەو بنەماڵانەی کە وەک خەڵکی هەژار و کەمداهات خۆیان ناساندووە. 

گوتەبێژی حکومەتی ئێران رایگەیاند، ئەو پرۆژەیە 14 ملیۆن کەس دەگرێتەوە، بناژۆخوازان ئەو هەنگاوە بە بانگەشەی هەڵبژاردن لەقەڵەم دەدەن و دەڵێن، کابینەی رۆحانی بە بەکارهێنانی موڵک و دارایی گشتی، دەیەوێ ناڕاستەوخۆ دەنگی خەڵک بکڕێتەوە.

نزیکە 14 ملیۆن هاووڵاتی ئێران لەم دوو مانگەدا، بەبڕیاری ئەنجوومەنی وەزیران، جگە لە پارەی مانگانەی یارانە، پارەیەکی زیادەش لە ژێر ناوی یارمەتی بژیو وەردەگرن. 

بناژۆخوازان ئەم بڕیارەی حکومەت بە بانگەشەی هەڵبژاردن لەقەڵەم دەدەن و دەڵێن، حکومەت دەیەوێ سوود لە هەژاری خەڵک وەربگرێت بۆ ئەوەی لە هەڵبژاردن دەنگ بە سەرۆککۆماری ئێستا بدەنەوە.

پێداچوونەوە؛ راوچی حەسەن 

سه‌رچاوه‌

وه‌ڵام دانه‌وه‌

Please enter your comment!
Please enter your name here