ئەردۆغان: ئه‌مساڵ كۆتایی به‌ په‌كه‌كه‌ ده‌هێنین

0
179

رەجەب تەیب ئەردۆغان ، سەرۆککۆماری تورکیا AFP / ADEM ALTAN
رەجەب تەیب ئەردۆغان ، سەرۆککۆماری تورکیا AFP / ADEM ALTAN

رووداو – ئه‌نقه‌ره‌  

لەمیانی 38-ەمین کۆبوونەوەی موختارەکان لە کۆشکی کۆماریی، ره‌جه‌ب ته‌یب ئه‌ردۆغان سەرۆککۆماری تورکیا، گوتارێکی پێشکەش کرد و رایگه‌یاند: “ئه‌گه‌ر پشتیوانی ده‌ره‌كی بۆ په‌كه‌كه‌ نه‌بێت، ئه‌مساڵ كۆتاییان پێ ده‌هێنین”. 

ره‌جه‌ب ته‌یب ئه‌ردۆغان، سه‌رۆككۆماری توركیا له‌ گوتارێكیدا رایگه‌یاند: “پلانێكی چڕوپڕمان داڕشتووه‌ بۆ به‌ره‌نگاربوونه‌وه‌ی تیرۆر و ئه‌گه‌ر پشتیوانی ده‌ره‌كی بۆ په‌كه‌كه‌ نه‌بێت، به‌دڵنیاییه‌وه‌ ئه‌مساڵ كۆتاییان پێ ده‌هێنین. رۆژێك دێت ئه‌م پشتیوانییه‌یان لێ ده‌بڕین و وڵاته‌ پشتیوانكاره‌كه‌ش ئاشكرا ده‌كه‌ین و به‌هه‌موو جیهان راده‌گه‌یێنین، به‌ڵام ئێستا له‌ قۆناخێكین، رێگه‌یان پێناده‌ین ته‌نانه‌ت هه‌ناسه‌ش بده‌ن”.  

ئەردۆغان ئاماژەی بەوەدا کە بۆ پاراستنی سنوورەکانیان تەنیا بە هەڵچنینی دیوارەوە ناوەستن و گوتی: “بەدرێژایی 651 کیلۆمەتر دیواری تووندوتۆڵ هەڵچنراوە، بە درێژایی سنوور ئەمە ئەنجام دەدرێت. بەو شێوەیەش رێگری دەکرێت لە هاتووچۆی تیرۆریستان، بەڵام تەنیا بەدیوار هەڵچنینەوە ناوەستین، هاوکات بە ئامرازی پێویست پڕچەکیان دەکەین. کارەکە ئاسان دەکەین، لە سنووری عێراقیش هەمان شت دەکەین لە سنووری ئێرانیش ئەو شوێنانەی کە گونجاوە، ئەمە جێبەجێ دەکەین. چونکە خوازیارین کە ئیتر هاتووچۆ بۆ وڵاتەکەمان کۆنترۆڵی زیاتر بکرێت. تەنیا چەند خاڵێکی دیاری کراوی هاتووچۆ هەبێت”.

پێداچوونەوە؛ عومەر شایان



سه‌رچاوه‌

وه‌ڵام دانه‌وه‌

Please enter your comment!
Please enter your name here