ئەردۆگان سەرۆك وەزیرانی وڵاتەكەی دەكاتە سه‌رۆك شاره‌وانی

0
113

به‌گوێره‌ی ئه‌و زانیارییانه‌ی كه‌وتوونه‌ته‌ ده‌ست میدیاكانی توركیا، ره‌جه‌ب ته‌یب ئه‌ردۆگان سه‌ركۆماری توركیا، داوای له‌ ئه‌حمه‌د داودئۆغلو سه‌رۆك وه‌زیرانی پێشووی توركیا كردووه‌، بۆ هه‌ڵبژاردنی شاره‌وانییه‌كان، كاندیدی ئاكپارتی بێت بۆ سه‌رۆكی شاره‌وانی ئیسته‌نبۆڵ.

ماڵپه‌ڕی (CNN)ـی توركی، له‌ هه‌واڵێكدا ئاشكرای كرد سه‌ركردایه‌تی ئاكپارتی و ئه‌ردۆگان، پێشنیاریان كردووه‌ داودئۆغلو وه‌كو كاندیدی ئاكپارتی بناسێنرێ بۆ هه‌ڵبژاردنی سه‌رۆكی شاره‌وانی ئیسته‌نبۆڵ، كە بڕیاره‌ له‌ مانگی نیسانی 2019 ئه‌نجام بدرێت.

ئه‌م بڕیاره‌ی ئه‌ردۆگان دوای ئه‌وه‌ هات، كه‌ له‌ مانگی رابردوودا نێوانی له‌گه‌ڵ ئه‌حمه‌د داودئۆغلو باش بووه‌وه‌، به‌ڵام نازانرێت ئاخۆ داودئۆغلو رازی ده‌بێت بۆ ئه‌و پۆسته‌، یاخود ره‌تی ده‌كاته‌وه‌.

له‌ پاڵ داودئۆغلودا، سه‌رۆك وه‌زیرانی ئێستەی توركیا بیناڵی یڵدرمیش پێشنیار كراوه‌ بۆ ئه‌وه‌ی ببێته‌ كاندیدی ئاكپارتی بۆ سه‌رۆكی شاره‌وانییه‌كانی ئیسته‌نبۆڵ، به‌ڵام ئه‌گه‌ر داودئۆغلو رازی بێت، ئه‌و پێشنیاره‌ ناخه‌نه‌ به‌رده‌م یڵدرم.

سه‌رچاوه‌

وه‌ڵام دانه‌وه‌

Please enter your comment!
Please enter your name here