بریندارێکی دیکەی چەکی کیمایی لە هەڵەبجە گیانیلەدەستدا 27 خولەک پێش ئێستا

0
16

خەندان- 

سه‌رۆكی كۆمه‌ڵه‌ی قوربانیانی كیمیابارانی هه‌ڵه‌بجه‌ رایگەیاند، به‌هۆی مانه‌وه‌ی كاریگه‌ری چه‌كی كیمیایی له‌سه‌ر جه‌سته‌ی، هاوڵاتیەکی دیكه‌ له‌ بریندارانی چه‌كی كیمیایی له‌ شاری هه‌ڵه‌بجه‌ گیانیله‌ده‌ستدا، له‌ دوای ساڵی 2003وه‌ تائێستا ئه‌مه‌ 109یه‌مین به‌ركه‌وته‌ی چه‌كی كیمیاییه‌ كه‌ گیانیله‌ده‌ستداوە.

دوای 31 ساڵ لە کیمیابارانکردنی شاری هەڵەبجە، تا ئێستاش بەرکەوتوانی چەکی کیمیایی بەدەست ئازارەوە دەناڵێنن و حکومەتی هەرێمی کوردستان نەیتوانیوە چارەسەریان بکات.

لوقمان عه‌بدولقادر، سه‌رۆكی كۆمه‌ڵه‌ی قوربانیانی كیمیابارانی هه‌ڵه‌بجه‌ بە خەندان-ی راگەیاند، ئەمڕۆ دوشەممە یه‌كێكی دیكه‌ له‌ به‌ركه‌وتووانی چه‌كی كیمیایی به‌ ناوی كوبرا عه‌بدوڵا به‌هۆی مانه‌وه‌ی كاریگه‌ری چه‌كی كیمیایی له‌سه‌ر جه‌سته‌ی گیانیله‌ده‌ستدا.

ماوەی دوساڵ زیاتر دەبێت، بە هۆی قەیرانی داراییەوە هیچ بەرکەوتەیەک نەنێردراوە بۆ چارەسەر

ئاماژەی بەوەشدا، ئەو بەرکەوتەیە پێشتر بۆ چارەسەر رەوانەی وڵاتی ئێران کراوە بۆ چارەسەر، بەڵام ماوەی دوساڵ زیاتر دەبێت، بە هۆی قەیرانی داراییەوە هیچ بەرکەوتەیەک نەنێردراوە بۆ چارەسەر، بۆیە ئەمڕۆ بەهۆی خراپی باری تەندروستییەوە گیانیلەدەستدا، لە ئێستادا 50 برینداری دیکەی هەڵەبجە بەهۆی خراپی کۆئەندامی هەناسەیانەوە پێویستیان بە چارەسەری خێرا هەیە.

سه‌رۆكی كۆمه‌ڵه‌ی قوربانیانی كیمیابارانی هه‌ڵه‌بجه‌ وتیشی، له‌ دوای ساڵی 2003وه‌ تائێستا 109 كه‌س له‌ به‌ركه‌وتوانی چه‌كی كیمیایی هه‌ڵه‌بجه‌، به‌هۆی مانه‌وه‌ی كاریگه‌ری چه‌كی كیمیایی له‌سه‌ر جه‌سته‌یان گیانیان له‌ده‌ستداوه‌.

[ad_2]

سه‌رچاوه‌

وه‌ڵام دانه‌وه‌

Please enter your comment!
Please enter your name here