بوومەلەرزە لە سەمسوور و ئیلام روویدا

0
325

شوێنی بوومەلەرزەکەی سەمسوور، فۆتۆ: AA
شوێنی بوومەلەرزەکەی سەمسوور، فۆتۆ: AA

رووداو – هەولێر

بوومەلەرزەیەک بەگوڕی 4.1 پلە بەپێوەری رێختەر، پارێزگای سەمسوور لە باکووری کوردستان هەژاند، زیانی گیانی و ماددی لێنەکەوتەوە. لە ئیلامیش بوومەلەرزە روویدا و زیانی گیانی نەبوو.

بەپێی راگەیێندراوێکی فەرمانگەی بوومەلەرزەکانی سەر بەدامەزراوەی کارەساتە سرووشتییەکانی تورکیا، کاژێر 12:51 خولەکی پاشنیوەڕۆی رۆژی پێنجشەممە 27-4-2017، بوومەلەرزەیەک بەگوڕی 4.1 پلە بەپێوەری رێختەر، پارێزگای سەمسوور “ئادییامان”ی هەژاندووە.

بەپێی راگەیێندراوەکە، چەقی بوومەلەرزەکە لە گوندی یارمباغ سەر بەشارۆچکەی سامسات سەرچاوەی گرتووە و بەقووڵایی 5 کم کاریگەری هەبووە. 

هاوکات والی سەمسوور بۆ پاراستنی گیانی هاونیشتمانییان ئەمبوڵانسەکانی رەوانی گەڕەکە کۆنەکان و شوێنە گشتییەکان کردووە و تیمەکانی فریاگوزاریش لە ئامادەباشیدان بۆ هەر ئەگەرێکی نەخوازراو. 

بەرەبەیانی ئەمڕۆ و شەوی رابردووش دوو بوومەلەرزە لە دوو شوێنی جیاوازی پارێزگای ئیلامی روویاندا.

بەڕێوەبەری کۆنترۆڵی قەیرانەکانی پارێزگای ئیلام-ی رۆژهەڵاتی کوردستان رایگەیاند،  بوومەلەرزەیەک بە گوڕی 3.1  شاری ساڵحاوای ئەم پارێزگایەی لەرزاندووە، بەڵام زەرەر و زیانی گیانی لێنکەوتووەتەوە.

ئەحمەد کەرەمی، بەڕێوبەری کۆنترۆڵی قەیران دەڵێت “ئەم بوومەلەرزەیە لە قوڵایی 10 کیلۆمەتری زەویدا، لە شارۆچکەی ساڵحاوای لە نزیک شاری مێهراندا روویداوە”.

ئێوارەی رۆژی رابردووش بوومەلەرزەیەک بە گوڕی 3.2  شارۆچکەی چواری لە نزیک شاری ئیلامی لەرزاند، کە ئەمیش زەرەر و زیانی گیانی لێنەکەوتووەتەوە. بوومەلەرزەکە کاژێر هەشت و 40 خولەکی ئێوارەلە قوڵایی 9 کیلۆمەتری زەوی روویداوە.

داڕشتنەوە: حەکیم داود

سه‌رچاوه‌

وه‌ڵام دانه‌وه‌

Please enter your comment!
Please enter your name here