بەهۆی لافاو لە تەورێز 35 کەس خنکاون و 8ی دیکەش بێسەروشوێنن

0
734

رۆژی یەکشەممە 16-4-2017 لە پارێزگای ورمێ ماتەمینی گشتی راگەیێندراوە

رووداو – هەولێر

سەرۆکی کۆنترۆڵی قەیرانی ئێران رایگەیاند، لە لافاوی پارێزگای تەورێزدا 35 کەس خنکاون و هەشت کەسی دیکەش بێسەروشوێنن. سەرۆککۆماری ئێرانیش لیژنەی تایبەتی بۆ پێڕاگەیشتن بەو دۆخە بۆ پارێزگای تەورێز رەوانەکردووە.

لە ئازەر شاری پارێزگای ورمێ رۆژی هەینی 14-4-2017 دەیان کەس بۆ سەیری لافاو هاتبوونە دەرەوە. بەڵام هەندێ لەوان لە داوی لافاو کەوتن. چەند ئۆتۆمبێلی پڕ لە خەڵک ئاو بردنی. 

ئەمڕۆ (شەممە 15-4-2017) کاژێر 4:00 بەکاتی تاران، سەرۆکی کۆنترۆڵی قەیرانی ئێران گوتی “35 کەس لەو لافاوەدا خنکاون. هەشت کەسی دیکەش بێسەروشوێن. بۆیە رۆژی یەکشەممە 16-4-2017 لە پارێزگای ورمێ ماتەمینی گشتی راگەیێندراوە.

سەرۆککۆماری ئێران ئەمڕۆ نوێنەری تایبەتی خۆی پێڕاگەیشتن بەو رەوشە بۆ پارێزگای تەورێز نارد. حەمید چیت چیان، وەزیری وزە، بەڵێنی یارمەتی دا.

رۆژی رابردوو لە پارێزگای سنەش پێنج کەس بەهۆی باران و لافاو گیانیان لەدەستدابوو. بەگوتەی بەڕێوبەری کۆنترۆڵی قەیرانی پارێزگای سنە، چەند پرد لە ناوچەی سەقز رووخاوە و لە هەندێ شوێن رێگا ئاو بردوویەتی.

لافاو لە رۆژهەڵاتی کوردستانیش زەرەر و زیانی زۆری لێکەوتووەتەوە. لە پارێزگای ورمێ رێگای 60 گوند داخراوە و چەندین پرد رووخاوە. 

بەگوتەی قائیمقامی شاری شنۆ، لافاو دەیان ملیار تمەن زەرەر و زیانی بە کشتوکاڵی خەڵک گەیاندووە. 

هەروەها تاوەکو ئێستا لە رۆژهەڵاتی کوردستان شەش کەس بەهۆی لافاوەوە گیانی لەدەستداوە و کەسێکیش بێسەروشوێنە. 

داڕشتنەوە: حەکیم داود

سه‌رچاوه‌

وه‌ڵام دانه‌وه‌

Please enter your comment!
Please enter your name here