بەوێنە..بەشێك لەخوێندكارانی بەشەناوخۆییەكانی زانكۆی سلێمانی خۆپیشاندانیان ئەنجامدا 5 .

0
108

[ad_1]

خەندان-

بەشێك لە خوێندكارانی بەشە ناوخۆییەكانی زانكۆی سلێمانی ئەمشەو خۆپیشاندانیان ئەنجامدا، وەك خۆشیان دەڵێن خۆپیشاندانەكەیان بەهۆی بوونی كێشەی كارەباو ئاوەوەیە.

خۆپیشاندانی خوێندكارانی بەشەناوخۆییەكانی زانكۆی سلێمانی/ فۆتۆ- خەندان

بەشێك لەو خوێندكارانە كە بەهۆی خۆپیشاندانەكەیانەوە بۆ ماوەیەك رێگەی سلێمانی كەركوك داخرا،  بەخەندانیان راگەیاند “دوای رووداوی سووتانی یەكێك لەبەشە ناوخۆییەكانی كەمپی نوێی زانكۆ، كێشەی ئاوو كارەبایان هەیەو تائێستاش ئەو كێشانەیان بۆ چارەسەر نەكراوە”.

خۆپیشاندانی خوێندكارانی بەشەناوخۆییەكانی زانكۆی سلێمانی/ فۆتۆ- خەندان

 
وەرزێر حەسەن خوێندكاری كۆلێژی وەرزش لە زانكۆی سلێمانی كەیەكێكە لە خوێندكارانی خۆپیشاندەر، بەخەندانی راگەیاند” سەرۆكی زانكۆ بەڵێنی پێداوون لەماوەی 10 رۆژدا كێشەی كارەبایان بۆ چارەسەر بكات”، بەڵام بەووتەی وەرزێر، سەرۆكی زانكۆ بێ ئاگایی خۆی نیشانداوە لەوەی خوێندكارانی كێشەی نەبوونی ئاویان هەیە لە بەشەناوخۆییەكاندا.

پەیامنێری خەندان رایگەیاند خۆپیشانەدانەكەی خوێندكارانی بەشە ناوخۆیەكانی زانكۆی سلێمانی بەردەوامی هەیە،و هێزە ئەمنیيەكانیش لە شوێنی خۆپیشاندانەكە بڵاوبوونەتەوە، بەڵام رێگای كەركوك- سلێمانی بەرووی هاولاتیان و شۆفێراندا كراوەتەوە.

 

خۆپیشاندانی خوێندكارانی بەشەناوخۆییەكانی زانكۆی سلێمانی/ فۆتۆ- خەندان

 

خەندان بۆ بەدواداچوونی زیاتر، پەیوەندیكرد بە رەزا حەسەن سەرۆكی زانكۆی سلێمانی، بەڵام بە پاساوی ئەوەی سەرقاڵی كۆبوونەوەیە تایبەت بەو رووداوە، ئامادە نەبوو هیچ زانیاریەك بخاتە روو.

 ئێوارەی 21ی ئەم مانگە ئاگر لەبەشێكی بەشەناوخۆیی كوڕانی كەمپی نوێی زانكۆی سلێمانی كەوتەوە،و بەهۆیەوە كارمەندێكی بەرگری شارستانی گیانی لەدەستداو15ی خوێندكارو كارمەندی بەرگری شارستانی برینداربوون. 

[ad_2]

سه‌رچاوه‌

وه‌ڵام دانه‌وه‌

Please enter your comment!
Please enter your name here