حەسۆ هورمی: ئەم دترسین كارەساتا شنگال ل عەفرینێ دوبارە ببیت

0
142

بەرپرسێ‌ دەزگەهی ئێزدیان ل هۆلەندا بۆ (باسنیوز) دیار كر: ” 70 هزار ئێزدی ل 22 گۆندێن سەر عەفرینێ ڤە دژیان، پشتی ئۆپەراسیۆنا توركیا بۆ سەر عەفرینێ دەستپێكری، ئاوارەبووینە ژ گۆندێن خوە بەرەڤ چیایێ شێراوا و نبل وزهرا و تل رەفعت ل حلب چووینە.

 

حەسۆ هورمی،  بەرپرسێ‌ دەزگەهی ئێزدیان ل هۆلەندا بۆ (باسنیوز) دیار كر: “رەوشا ماڤێ مرۆڤی ل عەفرینێ تێكچوویە. هەتا نۆكە 14 ئێزدی یێن هاتینە شەهیدكرن ژبەر بۆردۆمانكرنا دەڤەرێن ئێزدی ژلایێ‌ توركیا ڤە و پتریا گوندێن ئێزدیان ڤالا بووینە وخەلك ئاوارە بووینە بەرەڤ چیایێ شێراوا و دەڤەرا نبل و زهرا و تل رەفعت ل حلب چووینە. خەلك دترسن وەكو كارەساتا شنگال بسەرێ وان بهێت ژبەر هەبوونا گرۆپێن ئیسلامی دناڤ ئۆپەراسیۆنا توركیا بۆ سەر عەفرینێ دا”.

 

خویا ژی كر: ” هەتا ئەڤرۆ ئاوارەبوونا ئێزدیان ژ گوند ودەڤەرێن وان ل عەفرینێ یا بەردەوامە. داخازێ نەتەوەیێن ئیكگرتی وهەموو دەولەتێن زلهیز یێن جیهانێ‌ دكەین نەهێلن سیناریۆیا شنگال ل عەفرینێ دووبارە بیت”.

سه‌رچاوه‌

وه‌ڵام دانه‌وه‌

Please enter your comment!
Please enter your name here