خانمه‌ پیره‌كه‌ كوڕه‌كه‌ی عه‌تییه‌ی ده‌وێت

0
147

مه‌هدی بن عه‌تییه‌
مه‌هدی بن عه‌تییه‌

رووداو – هه‌ولێر

سه‌رچاوه‌ رۆژنامه‌وانییه‌كان له‌ ئیتاڵیاوه‌، ئه‌مڕۆ ئاشكرایانكرد، یانه‌ی یوڤێنتوس به‌ یانه‌ی بایرن میونشنی ئه‌ڵمانی راگه‌یاندووه‌، ده‌یانه‌وێت ده‌ست بگرن به‌ مانه‌وه‌ی مه‌هدی بن عه‌تییه‌ی یاریزانی مه‌غریبی، كه‌ به‌ خواستن له‌ بایرنه‌وه‌ روویكردووه‌ته‌وه‌ یوڤی.

ماڵپه‌ڕی كاڵچیۆ مێركاتۆی ئیتاڵیا بڵاویكردووه‌ته‌وه‌، یۆڤێنتوس ده‌یه‌وێت بن عه‌تییه‌ی 30 ساڵان هه‌ر له‌ ریزه‌كانیدا بمێنێته‌وه‌، هه‌رچه‌نده‌ یانه‌ی دیكه‌ی وه‌كو ریال مه‌درید و مارسیلیا ده‌یانه‌وێت گرێبه‌ستی له‌گه‌ڵدا بكه‌ن.

كارگێڕیی تیپی خانمه‌ پیره‌كه‌ پێیانوایه‌ مانه‌وه‌ی بن عه‌تییه‌ له‌ یانه‌كه‌یان، یه‌كه‌م گرێبه‌ستی هاوینی داهاتوویان ده‌بێت و یه‌كه‌م جێگره‌وه‌ی هه‌رسێ یاریزانی ئێستای به‌رگری، بۆنۆچی، كیلینی و بارزالی ده‌بێت.

پێشبینی ده‌كرێت نرخی مانه‌وه‌ی بن عه‌تییه‌ به‌ شێوه‌یه‌كی هه‌میشه‌یی له‌ یوڤیدا، بگاته‌ نزیكه‌ی 17 ملیۆن یۆرۆ، كه‌ ئه‌م وه‌رزه‌ 11 یاری به‌ شێوه‌ی سه‌ره‌كی بۆ تیپه‌كه‌ كردووه‌.

له‌ لایه‌كی دیكه‌وه‌ یوڤی له‌ مانه‌وه‌ی یاریزانه‌ مه‌غریبییه‌كه‌ له‌ ریزه‌كانی بۆ وه‌رزی داهاتوو دڵنیانییه‌، ئه‌گه‌ری ئه‌وه‌ هه‌یه‌ گرێبه‌ستێكی هه‌میشه‌یی له‌گه‌ڵ واژۆبكه‌ن، یان رێگه‌ی بده‌ن بچێته‌ مارسیلیای فه‌ڕه‌نسی، كه‌ ئه‌مه‌ی دوایی ئاماده‌یه‌ به‌ 25 ملیۆن یۆرۆ بیگوازێته‌وه‌ ریزه‌كانی.

سه‌رچاوه‌

وه‌ڵام دانه‌وه‌

Please enter your comment!
Please enter your name here