داعش سێ ئۆتۆمبێلی بۆمبڕێژکراوی بە هێزە عێراقییەکاندا تەقاندەوە

0
123

شەڕ لە گەڕەکی هەرامات سێ لە رۆژئاوای موسڵ بەردەوامە

رووداو- هەولێر

چەکدارانی داعش سێ ئۆتۆمبێلی بۆمبڕێژکراویان بە هێزە عێراقییەکاندا تەقاندەوە و شەڕ لە گەڕەکی هەرامات سێ لە رۆژئاوای موسڵ بەردەوامە.

سیداد لەشکری پەیامنێری رووداو رایگەیاند: “فڕۆکەکانی هاوپەیمانان کۆگایەکی چەکیان لە زەنجەلی بۆروومانکرد، چەکدارانی داعشیش سێ ئۆتۆمبێلی بۆمبڕێژکراویان بە هێزە عێراقییەکاندا تەقاندەوە”.

پەیامنێری رووداو هەروەها گوتی: “هێزە عێراقییەکان بەرەو گەڕەکی17ی تەمموز پێشڕەوی دەکەن ، شەڕ لە گەڕەکی ئیسڵاح زراعی دوو بەردەوامە و تاوەکو ئێستا بە تەواوی کۆنتڕۆڵ نەکراوەتەوە ، هێزەکانی دژەتیرۆر بە سێ فیرقە شەڕی گەڕەکی 17ی تەمموز دەکەن”.

بە گوتەی پەیامنێری رووداو: “کۆنتڕۆڵکردنەوەی 17ی تەمموز دەبێتە خاڵێكی وەرچەرخان لە شەڕی موسڵ ، هێزەکانی دژەتیرۆر گەمارۆی گەڕەکی سحەییان داوە ، لیواکانی 34 و 37ی سوپای هەوڵی کۆنتڕۆڵکردنەوەی گەڕەکی 17ی تەمموز دەدەن”.

پەیامنێری رووداو هەروەها گوتی: “فەرماندە سەربازییەکانی سوپای عێراق داوای هاوکارییان لە فڕۆکەکانی هاوپەیمانان کردووە و ئەوانیش بەردەوامن لە بۆردوومانکردنی موسڵ”

داڕشتنەوە؛ عومەر شایان

 

سه‌رچاوه‌

وه‌ڵام دانه‌وه‌

Please enter your comment!
Please enter your name here