دوو فڕۆکەی تورکیا بۆردوومانی چیاکانی دەڤەری برادۆست دەکەن

0
14

بۆردوومانی تورکیا، فۆتۆ: ئەرشیڤ
بۆردوومانی تورکیا، فۆتۆ: ئەرشیڤ

رووداو – سۆران

فڕۆكه‌ جه‌نگییەکانی توركیا بۆردوومانی ناوچە شاخاوییەکانی ده‌ڤه‌ری برادۆست له‌ سنووری شارۆچكه‌ی سیده‌كان ده‌كه‌ن.

جه‌لال عوزێر، موختاری گوندی كه‌وه‌رته‌ی سه‌ر به‌ سیده‌كان به‌ (تۆڕی میدیایی رووداو)ی راگه‌یاند “له‌ كاژێر 6:30 خوله‌كی ئێواره‌ی ئه‌مڕۆوە دوو فڕۆكه‌ی جه‌نگی توركیا به‌شێوه‌یه‌كی زۆر نزم به‌ ئاسمانی ده‌ڤه‌ری برادۆست ده‌سوڕێنه‌وه‌. كاژێر 6:45 خوله‌ك‌ دوو جار له‌سه‌ر یه‌ك به‌رزاییه‌كانی هه‌ردوو گوندی كه‌وه‌رته ‌و هه‌رمووش-یان بۆردوومانكرد”.

ئیحسان چه‌له‌بی، به‌ڕێوه‌به‌ری شارۆچكه‌ی سیده‌كان به‌ (رووداو)ی راگه‌یاند، بۆردوومانه‌كان زیانی گیانی و ماڵیان نه‌بووه‌، چونکە لووتكەی‌ شاخەکانی ناوچه‌كه‌ بۆردوومانكراون، له‌م وه‌رزه‌شدا ئه‌و ناوچانه‌ چۆڵن و كۆچه‌ر و جووتیار هێشتا ئاوه‌دانیان نه‌كردووەته‌وه‌.

سه‌رچاوه‌

وه‌ڵام دانه‌وه‌

Please enter your comment!
Please enter your name here