دی یۆنگ هه‌ڕه‌شه‌ له‌ یوڤێنتوس ده‌كات

0
20

فرێنكی دی یۆنگ
فرێنكی دی یۆنگ

رووداو ـ هه‌ولێر

فرێنكی دی یۆنگ، ئه‌ستێره‌ی یانه‌ی ئه‌یاكس ئه‌مستردامی هۆڵه‌ندی، به‌شێوه‌یه‌كی نا راسته‌وخۆ هه‌ڕه‌شه‌ له‌ یانه‌ی یوڤێنتوسی ئیتالی ده‌كات و ده‌ڵێت “بزانن چی ده‌كه‌ین؟!”.

له‌ قۆناخی 8ی چامپیۆنزلیگدا، یانه‌ی یوڤێنتوسی ئیتالی و ئه‌یاكسی هۆڵه‌ندی رووبه‌ڕووی یه‌كدی ده‌بنه‌وه‌، یاری چوون له‌ 10/4/2019 ئه‌نجام ده‌درێت و یاری گه‌ڕانه‌وه‌ش له‌ 16/4/2019 ئه‌نجام ده‌درێت. براوه‌شیان له‌ قۆناخی چواره‌می پاڵه‌وانێتییه‌كه‌دا رووبه‌ڕووی براوه‌ی تۆتێنهام و مانچێسته‌ر سیتی ده‌بێته‌وه‌.

دی یۆنگ، كه‌ ئێستا یاریزانی بارسێلۆنای ئیسپانییه‌ و به‌ ره‌زامه‌ندی بارسا، ته‌نیا تاوه‌كو كۆتایی ئه‌م وه‌رزه‌ یاری بۆ ئه‌یاكس ده‌كات، له‌باره‌ی رووبه‌ڕووبوونه‌وه‌ی یوڤێنتوس، گوتی “له‌وانه‌یه‌ یاریزانانی یوڤێنتوس دڵخۆش بن به‌ ئه‌نجامه‌كانی تیروپشكی چامپیۆنزلیگ، به‌ڵام پێویسته‌ ئه‌وان وه‌ك تیپێكی بچووك سه‌یرمان نه‌كه‌ن، چاوه‌ڕوان بن و ببینن چی به‌ گه‌وره‌كان ده‌كه‌ین”.

له‌ قۆناخی 16ی چامپیۆنزلیگدا، دی یۆنگ و هاوڕێكانی توانیان یانه‌ی ریال مه‌دریدی ئیسپانی، كه‌ 3 ساڵ بوو به‌سه‌ریه‌كه‌وه‌ ده‌بووه‌ پاڵه‌وانی چامپیۆنزلیگ، له‌ پاڵه‌وانێتییه‌كه‌ ده‌ربكه‌ن، ئێستاش دی یۆنگ پێیوایه‌ ئه‌وه‌ به‌ رێككه‌وت نه‌بووه‌ و ده‌توانن تیپی دیكه‌ی گه‌وره‌ش له‌ پاڵه‌وانێتییه‌كه‌ ده‌ربكه‌ن.

دی یۆنگ، له‌باره‌ی رووبه‌ڕووبوونه‌ی كریستیانۆ رۆناڵدۆی ئه‌ستێره‌ی پورتوگالی یانه‌ی یوڤێنتوسیشه‌وه‌ گوتی “خۆشه‌ تۆ رووبه‌ڕووی ئه‌و و مێسی ببیته‌وه‌، ئه‌وان خاوه‌ن ئاماری سه‌رسوڕهێنه‌رن”.

سه‌رچاوه‌

وه‌ڵام دانه‌وه‌

Please enter your comment!
Please enter your name here