راگەیێندراوی یەپەگە لەبارەی هێرشە ئاسمانییەکانی تورکیا

0
326

دیمەنێک لە بۆردوومانەکە، فۆتۆ: رۆژنیوس
دیمەنێک لە بۆردوومانەکە، فۆتۆ: رۆژنیوس

رووداو – هەولێر

فەرماندەیی گشتیی یەکینەکانی پاراستنی گەل (یەپەگە) رایگەیاند، فڕۆکەجەنگییەکانی تورکیا هێرشی بەرفراوانیان لە دژی ناوەندی فەرماندەیی یەپەگە ئەنجامداوە.
  
لە راگەیێندراوەکەی یەپەگەدا کە لە میدیاکانی پەکەکەدا بڵاوکراوەتەوە، هاتووە: بەرەبەیانی رۆژی سێشەممە 25 ی نیسان 2017 لە کاتژمێر 02:00  فڕۆکە جەنگییەکانی تورکیا هێرشێکی بەرفراوانیان لە دژی ناوەندی فەرماندەیی یەپەگە لە چیای قەرەچووغ-ی نزیک شاری دێرک ئەنجامداوە.
 
هەروەها هاتووە:”لە قەرەچوغ ناوەندی راگەیاندن، رادیۆ، ناوەندی پەیوەندییەکان و هەندێک دەزگای سەربازیی هەن، لە ئەنجامی ئەو هێرشە دژوارانەدا ژمارەیەک شەڕڤانی ئێمە ژیانیان لەدەستدا و هەندێکیشیان برینداربوون، دواتر ناوەکانیان بڵاودەکەینەوە”.
 
جگە لە رۆژئاوای کوردستان، بەرەبەیانی ئەمڕۆ سێشەممە فڕۆکە جەنگییەکانی تورکیا چیای شنگالیشیان بۆردوومانکرد، بەهۆیەوە پێنج شەڕڤانی سەر بە یەبەشە و هەپەگە برینداربوون، پێنج پێشمەرگەش گیانیان لەدەستداوە و ٧ ی دیکەش برینداربوون.

سه‌رچاوه‌

وه‌ڵام دانه‌وه‌

Please enter your comment!
Please enter your name here