رووداوی تەقەکردن لە هۆڵەندا: ژمارەیەک خەڵکی سڤیل بوونە قوربانی

0
29

کەسێک لە وێستگەیەکی ترامی تەقەی لە خەڵکی سڤیل کردووە، وێنە: AFP
کەسێک لە وێستگەیەکی ترامی تەقەی لە خەڵکی سڤیل کردووە، وێنە: AFP

رووداو – هۆڵەندا 

لە رووداوێکی تەقەکردندا لە شاری ئۆترێختی هۆڵەندا کەسێک کوژرا و نۆ کەسی دیکەش بریندار بوون. 

بەگوتەی پۆلیسی هۆڵەندا، کەسێک لە وێستگەیەکی ترامی شاری ئۆترێختی هۆڵەندا تەقەی لە خەڵکی سڤیل کردووە و هەڵاتووە. هێشتا کەسەکە دەستگیر نەکراوە و پۆلیس بە دوایەوەیەتی. 

بەهۆی رووداوەکە قوتابخانەکانی شارەکە داخراون، رێوشوێنی ئەمنیی تووند گیراوەتەبەر و داوا لە خەڵکی شارەکە کراوە لە شوێنی رووداوی تەقەکردنەکە نزیک نەکەونەوە.

پۆلیس هەروەها رایگیاندووە ئەوان وەکو رووداوێک کە “ئەگەری بیرۆکەی تیرۆریستی لە پشت بێت” مامەڵە لەگەڵ ئەو رووداوەدا دەکەن، ئەو ئەگەرەش رەتناکەنەوە کە ژمارەی هێرشکەرەکان زیاتر لە یەک کەس بێت.

بەهۆی رووداوەکە، مارک رووتە، سەرۆکوەزیرانی هۆڵەندا ئەندامانی کابینەکەی بۆ کۆبوونەوەی بەپەلە بانگهێشت کردووە. 

پێداچوونەوە: هەڵات رێبوار
 

function InitiateAsyncRequestComments(arguments) { closeLoginInColorbox(); //$(‘.bodyFade’).fadeToggle(); var ajaxPanel = $find(‘ctl00_phTwoColumns_phMain_ControlComments1_PanelComments’); ajaxPanel.ajaxRequest(arguments); } $(document).ready(function () { })

سه‌رچاوه‌

وه‌ڵام دانه‌وه‌

Please enter your comment!
Please enter your name here