رۆناڵدۆ یاری به‌ ده‌ماره‌كانی پێرێز ده‌كات

0
294

فلۆرێنتینۆ پێرێز و كریستیانۆ رۆناڵدۆ
فلۆرێنتینۆ پێرێز و كریستیانۆ رۆناڵدۆ

رووداو ـ هه‌ولێر

رۆژنامه‌ی ASی ئیسپانی، نهێنییه‌كی دیكه‌ی په‌یوه‌ست به‌ كێشه‌كانی نێوان فلۆرێنتینۆ پێرێزى سه‌رۆكی یانه‌ی ریال مه‌درید و كریستیانۆ رۆناڵدۆی ئه‌ستێره‌ی پێشووی یانه‌كه‌ ده‌كات و ده‌ڵێت “رۆناڵدۆ به‌ كارێك پێریز تووڕه‌تر ده‌كات”.

گومان له‌وه‌دا نییه‌ كه‌ شێوازی رۆیشتنی رۆناڵدۆ له‌ ریال مه‌درید به‌ره‌و یوڤێنتوسی ئیتالی، به‌ڵگه‌یه‌كی روون بوو له‌سه‌ر ئه‌وه‌ی كه‌ كێشه‌یه‌كی زۆر له‌ نێوان خۆی و فلۆرێنتینۆ پێرێزی سه‌رۆكی یانه‌كه‌دا هه‌بوو، ته‌نانه‌ت راپۆرته‌ رۆژنامه‌ڤانییه‌كان باس له‌وه‌ ده‌كه‌ن كه‌ نێوانیان زۆر ناخۆش بوو، ئێستاش زۆر رقیان له‌ یه‌كدییه‌.

به‌پێی هه‌واڵێكی رۆژنامه‌ی ASی ئیسپانی، رۆناڵدۆ یاری به‌ ده‌ماره‌كانی پێرێز ده‌كات و به‌ كارێك زۆر تووڕه‌ی كردووه‌و نووسیویه‌تی “پێرێز زۆر تووڕه‌یه‌ له‌ رۆناڵدۆ، چونكه‌ زانیویه‌تی كه‌ كریس به‌رده‌وام به‌ ته‌له‌فۆن په‌یوه‌ندی به‌ مارسێلۆی به‌رگریكاری به‌رازیلییه‌وه‌ ده‌كات و هانی ده‌دات ریزه‌كانی ریال مه‌درید جێبهێڵێت و بچێته‌ لای ئه‌و له‌ یوڤێنتوس”.

ئه‌و رۆژنامه‌ ئیسپانییه‌، كه‌ نزیكه‌ له‌ ریال مه‌درید و پێرێز، ده‌ڵێت “پێرێز لاری نییه‌ له‌وه‌ی مارسێلۆ بفرۆشێته‌ یوڤێنتوس، به‌ڵام نایه‌وێ له‌ رێگه‌ی رۆناڵدۆوه‌ بێت، ئه‌و حه‌زده‌كات یوڤێنتوس به‌ فه‌رمی په‌یوه‌ندی به‌خۆیه‌وه‌ بكات و ئه‌و بابه‌ته‌ی له‌گه‌ڵ باس بكات”. هه‌روه‌ها ده‌شڵێت “پێرێز زۆر رقی له‌و یاریزانانه‌یه‌ كه‌ به‌نهێنی دانوستان له‌گه‌ڵ یانه‌كانی دیكه‌ ده‌كه‌ن و چه‌ندین یاریزانیشی له‌به‌ر ئه‌و هۆكاره‌ له‌ یانه‌كه‌ی ده‌ركردووه‌”.

سه‌رچاوه‌

وه‌ڵام دانه‌وه‌

Please enter your comment!
Please enter your name here