سلێمانی؛ ڤیستیڤاڵی بەهارەی تەندروستی بەڕێوەچو 60 خولەک پێش ئێستا

0
310

خەندان-

ئێوارەی ئەمڕۆ لە شاری سلێمانی لەلایەن رێکخراوی کۆبیر بۆ گەشەپێدانی لاوان (ڤیستیڤاڵی بەهارەی تەندروستی)، بەبەشداری خوێندکارانی بەشە زانستی و پزیشکیەکانی زانکۆی سلێمانی و پۆلیتەکنیکی بەڕێوەچو.

لاهور شێخ جەنگی، بەرپرسی ئاژانسی پاراستن و زانیاری/ زانیاری لە هەژماری تایبەتی خۆی لە تۆڕی کۆمەڵایەتی فەیسبوک بڵاویکردوەتەوە، “ئێوارەی ئەمڕۆ لە پارکی هەواری شار لە سلێمانی بەشداریمکرد لە ڤێستیڤاڵی بەهارەی تەندروستی کە خوێندکاران و مامۆستایانی کۆلێژەکانی پزیشکی ددان ـ دەرمانسازی ـ پەرستاری ـ زانست ـ ڤێترنەری ـ زانکۆی پۆلیتەکنیکی سلێمانی رێکیان خستبو”.

مایەی خۆشحاڵییە دەبینم خوێندکارانی وڵاتەکەم بەردەام لەپێشکەوتندان

 

بەرپرسی ئاژانسی پاراستن و زانیاری/ زانیاری نوسیویەتی” مایەی خۆشحاڵییە دەبینم خوێندکارانی وڵاتەکەم بەردەام لەپێشکەوتندان، لێرەوە پیرۆزبایی ئەم ڤێستیڤاڵەیان لێدەکەم ودەخوازم ببنە مایەی پێشکەوتنی زیاتری هەرێمی کوردستان”.

 
هاوکات بڕیار بەرزان، سەرۆکی رێکخراوی کۆبیر، بە خەندان-ی راگەیاند، ئەم چالاکیە یەکەم جارە لە سلێمانی بە ئامانجی پێشکەشکردنی خزمەتگوزاری و تەندروستی، هاوڵاتیانی کوردستان بەم شێوە فراوانە ئەنجامدەدرێت .

وتیشی: نزیکەی 20 پشکنین بۆ هاوڵاتیان بێ بەرامبەر ئەنجامدراوە و بە بەشداری نوێنەری تەندروستی سلێمانی و نوێنەری زانکۆی سلێمانی زیاتر لە 200 خوێندکاری بەشە پزیشکییەکان بەشداریانکردوە.

بڕیار بەرزان ئاماژەی بەوەشدا، لەبەرئەوەی کارکردنی پێکەوەیی کەمە، دەمانەوێت ئەم جۆرە ڤیستیڤاڵە بکەینە ساڵانە و پەرەیپێبدەین. 

Image may contain: 7 people

Image may contain: 5 people, people smiling, people standing and outdoor

Image may contain: 6 people, people smiling, people standing

[ad_2]

سه‌رچاوه‌

وه‌ڵام دانه‌وه‌

Please enter your comment!
Please enter your name here