سەفین دزەیی: کۆبوونەوە لەگەڵ کۆمپانیا نەوتییەکانی رووسیا ئەرێنی بوون

0
174

“دیدار لەگەڵ پووتین دەرفەتێکە بۆ باسکردنی ئامانجەکانمان”

رووداو- سان پترسبۆرگ

شاندی هەرێمی کوردستان یەکەم رۆژی کۆڕبەندی ئابووری سان پترسبۆرگ-یان بە چەندین کۆبوونەوە و دیدار بەڕێکرد لە کۆبوونەوە لەگەڵ کۆمپانیای گازپرۆم نەفت ، کۆبوونەوە لەگەڵ وەزیری وزەی رووسیا، تا دەگاتە سەردانی مۆزەخانەی دەریایی رووسیا. سەفین دزەیی دەڵێت: “کۆبوونەوەکان ئەرێنی بوون”.

ئەمڕۆ هەینی 2-6-2017 نێچیرڤان بارزانی، لەگەڵ ڤلادیمیر پووتین سەرۆکی روسیا کۆدەبیتەوە، کۆبونەوکە لە شاری سان پترسبۆرگ دەبێت، لەبارەی رۆڵی ئێستای روسیا لە ناوچەکەدا هەروەها ئامانج و ئایندەی باشووری کوردستان گفتوگۆدەکرێ. پێشبینی دەکرێ گفتوگۆ لەسەر گرێبەستی گەورەی ئابووریش بکرێ. 

گوتەبێژی حکومەتی هەرێمی کوردستان باس لە پرسە سیاسی و ئابوورییەکانی ئەو دیدارانە دەکات و بەتایبەتی پێیوایە” کۆبوونەوە لەگەڵ پوتین کە وڵاتێکی کاریگەرە لە ناوچەکەدا ، دەرفەتێکە بۆ ئەوەی راستەوخۆ باسی داهاتووی کوردستانی لەگەڵ بکرێت”.

شاندەی کوردستان لەگەڵ هەردوو کۆمپانیای رۆزنەفت و گازپرۆمدا کۆبوونەوە، سەفین دزەیی گوتەبێژی حکومەتی هەرێمی کوردستان بە تۆڕی میدیایی رووداوی راگەیاند: “ئەوەی تاوەکو ئێستا لە کۆبوونەوە لەگەڵ کۆمپانیاکانی بواری وزە لە رووسیا کردوومانە ئەرێنی بووە، مەبەست لێیان هەماهەنگی زیاتر بووە لە ئێستا و داهاتوو لە بواری وزە”.

سەبارەت بە کۆبوونەوەی سەرۆکوەزیرانی هەرێمی کوردستان و سەرۆکی رووسیا ، سەفین دزەیی گوتی: “رۆژهەڵاتی ناوەڕاست ، گۆڕانکارییەکی بەرچاوی بەخۆیەوە بینیوە و زیاتریش دەبینێت ، رووسیاش کاریگەری خۆی لە ناوچەکە هەیە بەتایبەتی دوای غیابێکی زۆر ئێستا رووسیا بەهێزەوە دەگەڕێتەوە ناوچەکە ، لەبەر ئەوە هەبوونی ئەو پەیوەندییەی هەرێمی کوردستان لەگەڵ رووسیا بەتایبەتی ئەو ئامانج و بەرنامەیەی کە هەرێمی کوردستان هەیەتی بۆ داهاتوو ، بێ گومان رووسیاش وەک هەموو وڵاتێکی دیکە بایەخی پێدەدات، لەبەر ئەوە راستەوخۆ لە نزیکەوە بیبیستن کە خەڵکی کوردستان و بەرنامەی سیاسی هەرێمی کوردستان چییە ، دەرفەتێکە کە سەرۆکی ئەنجوومەنی وەزیران ئەو پرسانە لەگەڵ سەرۆکی رووسیا باسبکات”.

نێچیرڤان بارزانی و شاندی هەرێمی کوردستان بۆ بەشداریی لە کۆڕبەندی ئابووری جیهانی سان پترسبۆرگ رۆژی چوارشەممە 31-5-2017 گەیشتنە رووسیا، یەکەم کۆبوونەوەیان لە رۆژی چوارشەممە لەگەڵ بەرپرسانی کۆمپانیای رووس نەفت بوو.

رۆژی پێنجشەممە 1-6-2017 کۆڕبەندی ئابووری جیهانی سان پترسبۆرگ دەستیپێکرد ، 130 وڵاتی جیهان و 12 هەزار کەس لە کۆبوونەوەکەی ئەمجارەی کۆڕبەندی ئابووری جیهانی سان پترسبۆرگ بەشدار دەبن. کۆڕبەندی ئابووری جیهانی سان پترسبۆرگ لە ساڵی 1997ـەوە بەردەوامە و، ساڵانە بە بەشداری دەستەبژێری سیاسی و ئابووری جیهان بەڕێوەدەچێت. 

داڕشتنەوە؛ عومەر شایان 

سه‌رچاوه‌

وه‌ڵام دانه‌وه‌

Please enter your comment!
Please enter your name here