سەنتەری دیموکراسی: سەرکردەکانی یەپەگە عەفرینیان بەجێ هێشتووە

0
72

 

سەنتەری دیموکراسی بۆ مافەکانی مرۆڤ لە کوردستان رایدەگەیەنێت، کە سەرکردەکانی یەکینەکانی پاراستنی گەل (یەپەگە) شاری عەفرینیان بەجێ هێشتووە.

 

بەپێی راگەیەندراوێکی سەنتەرەکە، کە وێنەیەکی بۆ (باسنیوز) نێردراوە، لە رۆژی شەممە 17/3/2018 (57مین رۆژی هێرشەکە)، بەهۆی بۆردومان و هێرشی سوپای تورکیا و گرووپە توندڕەوەکانی ئۆپۆزیسیۆنی سووریا، سێ کەس گیانیان لەدەست داوە و 20 کەسی دیکەش بریندار بوون.

 

هەروەک سەنتەری دیموکراسی بۆ مافەکانی مرۆڤ لە کوردستان رایگەیاندووە، سەرکردە و شەڕڤانانی یەکینەکانی پاراستنی گەل (یەپەگە) شاری عەفرینیان بەجێ هێشتووە و تاڵان و وێرانکردنی ماڵ و موڵکەکانی شارەکەش دەستی پێ کردووە.

 

رۆژی یەکشەممە 18/3/2018، میدیاکانی تورکیا بڵاویان کردەوە، کە لە سەرلەبەیانیی رۆژی یەکشەممە 18/3/2018ـەوە سوپای تورکیا هێرشێکی زەمینیی فراوانی لە هەردوو بەری رۆژهەڵات و رۆژئاوای عەفرین، کردووەتە سەر ئەو شارە و دەستی بەسەر چەند گەڕەکێکدا گرتووە.

 

لە رۆژی 20/1/2018ـەوە، سوپای ئازادی ئۆپۆزیسیۆنی سووریا و سوپای تورکیا بە بەکارھێنانی ھێزی ئاسمانی، زەمینی و تۆپخانە،  لەژێر ناوی ئۆپەراسیۆنی (چلە زەیتوون)، ھێرشیان کردووەتە سەر شاری عەفرین لە رۆژئاوای کوردستان.

سه‌رچاوه‌

وه‌ڵام دانه‌وه‌

Please enter your comment!
Please enter your name here