لە ئەڵمانیا 850 هەزار کەس بێ ماڵ و حاڵن

0
32

دوو بێلانە باسی ژیانی خۆیان بۆ رووداو دەکەن

رووداو – ئەڵمانیا

لە ئەڵمانیا کە خاوەن سیستەمێکی سۆشیاڵ و پێشکەوتووە، کەچی هێشتا ژمارەی بێ ماڵ و حاڵەکان زۆرن. به‌پێی ئامارەکان، نزیكه‌ی 850 هەزار کەسی بێ ماڵ و حاڵ لە ئەڵمانیا هەن، کە 500 هەزاریان ئەڵمانین.

“ئه‌ندی” ته‌مه‌نی 45 ساڵ‌ و “مارك” 35 ساڵە، ئەوان لەنێو جەرگەی ئەڵمانیادا ژیانی رۆژانەیان بەشێوەیەکی سەخت بەڕێدەکەن، چونکە بێ ماڵ و حاڵن و لەم سەرمای زستانەدا لەسەر شەقامەکان دەخەون. ئەندی 18 ساڵ و مارکیش 6 ساڵە بەو شێوەیە دەژین. هۆکاری سەرەکی ئەوەی کەوتوونەتە سەر شەقام بەرکارهێنانی مادە هۆشبەرەکان بووە.

“ئه‌ندی” لەسەر شەقام قسە بۆ رووداو دەکات و دەڵێت “له‌به‌رئه‌وه‌ی من چه‌ندینجار سزادراو‌م و له‌ زیندان بووم، كاتێك هاتمه‌ ده‌ره‌وه‌ هیچم نه‌بوو، شوێنیشم نه‌بوو، بۆیه‌ بوومه‌ بێلانه.‌ له‌و كاته‌وه‌ شه‌ڕ له‌گه‌ڵ بێلانەیی خۆم ده‌كه‌م. من نامه‌وێ سۆشیاڵ وه‌ربگرم چونكه‌ زۆر كێشه‌ت بۆ دروستده‌كه‌ن و ئه‌وه‌نده‌ ئاسان نییه‌. من چه‌ندین جار زیندانی كراوم، چه‌ندین جار به‌ مادە ‌هۆشبه‌ره‌كانه‌وه‌ دەستگیرکراوم، چه‌ندینجار خۆم كێشاومە‌ و گیراوم، بۆیه‌ كه‌س منی ناوێت و ده‌بێ خۆشم باجه‌كه‌ی بده‌م”.

هه‌رچه‌نده‌ “مارك” دوو پیشه‌ی هەبووە، چێشتلێنه‌ر و باخه‌وان، به‌ڵام شه‌ش ساڵه‌ بەهۆی ئالودەبوون بە مادە هۆشبەرەکانەوە ناتوانێ له‌ ژیانی بێلانەیی و خەوی شەوانەی سەرشەقامەکان رزگاری ببێت.  

مارك دەڵێت “من بوومه‌ بێلانه‌ و ئێستا له‌سه‌ر شە‌قام ده‌ژیم، ئەوەش له‌به‌ر چه‌ند هۆكارێك؛ یه‌كه‌م له‌به‌رئه‌وه‌ی مادده ‌هۆشبه‌ره‌كانم به‌كارده‌هێنا و زیندانی كرام، خێزانه‌كەشم وازی لێهێنام و ئه‌وه‌نده‌ بێزاربووم ده‌ستم كرد به‌ خواردنه‌وه‌ی كهول و ماده ‌هۆشبه‌ره‌كانم ده‌كێشا، وای لێهات چیدیكه‌ نه‌متوانی ئاگام له‌ ماڵ و حاڵه‌كه‌م بێت تاوەکو ده‌ركرام و ئێستا لێره‌م. من رۆژانه‌ له‌ناو خێمه‌كه‌م دەردەچم بۆ ئه‌و ئه‌و شوێنانه‌ی خواردنم ده‌ده‌نێ و پاشان دێمه‌ ئێره، پاشان له‌گەڵ سه‌گه‌كه‌م و هاوڕێكه‌م قووتوویه‌ك داده‌نێم و سواڵ ده‌كه‌م. چاوه‌ڕێده‌كه‌م كه‌ خه‌ڵك خێرمان پێبكه‌ن”.

ئەندی و مارک ده‌بێ رۆژانه‌ هه‌ردووكیان سه‌ردانی بنكه‌ی گەڕاندنەوەی ئالودەبووان بۆ ژیانی ئاسایی خۆیان بکەن، پزیشک دەیان بینێت و رۆژانە چارەسەریان پێدەدات.

بەگوتەی چالاکڤانان و ئاماری رێکخراوەکان، جگە لەوەی سیستەمی سۆشیاڵ لە ئەڵمانیادا ئاڵۆزە، هۆکاری سەرەکی کەوتنە سەر شەقامی خەڵکیش بێکاریی و گرانی نرخی کرێی خانووە.

function InitiateAsyncRequestComments(arguments) { closeLoginInColorbox(); //$(‘.bodyFade’).fadeToggle(); var ajaxPanel = $find(‘ctl00_phTwoColumns_phMain_ControlComments1_PanelComments’); ajaxPanel.ajaxRequest(arguments); } $(document).ready(function () { })

سه‌رچاوه‌

وه‌ڵام دانه‌وه‌

Please enter your comment!
Please enter your name here