لە بۆردوومانی رۆژئاوای موسڵ دەیان كەس کوژران و برینداربوون

0
172

لە بۆردوومانی گەڕەكی 17-ی تەمموز زیاتر لە 50 کەس کوژران و برینداربوون
لە بۆردوومانی گەڕەكی 17-ی تەمموز زیاتر لە 50 کەس کوژران و برینداربوون

رووداو ـ هەولێر

بەهۆی بۆردوومانكردنی گەڕەكی 17-ی تەمموز لە رۆژئاوای شاری موسڵ لەلایەن فڕۆكە جەنگییەكانی هاوپەیمانی نێودەوڵەتی زیاتر لە 50 كەس كوژران و برینداربوون.

بەپێی میدیا عەرەبییەکان لە ئەنجامی بۆردوومانكردنی گەڕەكی 17-ی تەمموز لە رۆژئاوای شاری موسڵ لەلایەن فڕۆكە جەنگییەكانی هاوپەیمانی نێودەوڵەتی 50 كەسی سڤیل كوژران ، سەرەڕای برینداربوونی 86 كەسی دیكە، كوژراو و بریندارەكانيش ئاوارەی گەڕەكەكانی دیكەی شاری موسڵن و لە نێو باڵەخانەی قوتابخانەی گەڕەكی 17-ی تەمموز نیشتەجێ بوون.

نزیكەی مانگێكە بەری رۆژئاوای موسڵ پێكدادانی تووند بەخۆیەوە دەبێنێ‌، سەرەڕای هۆشدارییەكانی رێكخراوەكانی مافی مرۆڤی نێودەوڵەتی و ناوخۆیی چەندینجار گەڕەكە مەدەنییەكان لەلایەن تۆپخانە و فڕۆكە جەنگییەكانی هاوپەیمانی نێودەوڵەتی بۆردوومان كراون.

لە قۆڵی باكووری رۆژئاوای شاری موسڵيش هێزە ئەمنییەكانی عێراق پێشڕەویان كردووە، سەرچاوەیەكی سەربازی عێراقی لەمبارەیەوە گوتی “هێزە ئەمنییە هاوبەشەكانی عێراق گوندی دیجلەیان لە باكووری رۆژئاوای موسڵ كۆنتڕۆڵكردەوە و 30 خێزانیشیان دەربازكردوون كە لەلایەن داعش گەمارۆدرابوون، ئێستاش بە ئاراستەی ناوچەی حاوی كەنیسە لە پێشڕەویدان.”

سه‌رچاوه‌

وه‌ڵام دانه‌وه‌

Please enter your comment!
Please enter your name here