لە تەقینەوەکانی رەققە نۆ ژن و منداڵ کوژران

0
312

نۆ کەسی دیکەش برینداربوون

رووداو – هەولێر

دوو ئۆتۆمبێلی بۆمبڕێژکراو و مینێکی چێندراو لە رەققە تەقینەوە، لە ئەنجامدا نۆ ژن و منداڵ کوژران و نۆ کەسی دیکەش برینداربوون.

بەپێی ئەو زانیاریانەی هێزەکانی سووریای دیموکرات (هەسەدە) بڵاویکردووەتەوە، لە کۆڵانی باسەکی رەققە مینێکی چێندراو تەقیوەتەوە، دواتر دوو ئۆتۆمبێلی بۆمبڕێژکراویش تەقیونەتەوە. 

لە ئەنجامدا هەر سێ تەقینەوەکەدا نۆ ژن و منداڵ کوژراون و نۆ کەسی دیکەش برینداربوون. 

تەقینەوەکانی ئەمڕۆ (سێشەممە 9-4-2019)ـی رەققە لەکاتێکدایە، دوو رۆژ لەمەوبەر هەسەدە رایگەیاند “لەلایەن هێزە ئەمنیەکانەوە شەش تۆمەتبار لە رەققە دەستگیرکراون، کە بەنیازبوون تەقینەوە و کردەی تێکدەرانە لە شارەکە ئەنجامبدەن”.

لە ساڵی 2014 چەکدارانی داعش رەققەیان کۆنتڕۆڵکرد، شەرڤانانی هەسەدە لە 24-5-2016 ئۆپەراسیۆنی کۆنتڕۆڵکردنەوەی رەققەیان لە سێ قۆلەوە دەستپێکرد و دوای ساڵێک و پێنج مانگ شەڕکردن لە 17-10-2017 کۆنتڕۆڵکردنەوەی تەواوی پایتەختی داعشیان راگەیاند.

سه‌رچاوه‌

وه‌ڵام دانه‌وه‌

Please enter your comment!
Please enter your name here