لە سلێمانی هاوسەرگیری شەش هێندە لە جیابوونەوە زیاترە

0
218

بەڕێوەبەرایەتی رەگەزنامە ئامارێکی بڵاوکردەوە
بەڕێوەبەرایەتی رەگەزنامە ئامارێکی بڵاوکردەوە

رووداو – سلێمانی 

بەڕێوەبەرایەتی رەگەزنامەی سلێمانی ئامارێکی سەبارەت بە هاوسەرگیری و جیابوونەوە بڵاوکردەوە و بەگوێرەی ئامارەکەشبێت، هاوسەرگیری نزیکەی شەش هێندە لە جیابوونەوە زیاترە.

بەڕێوەبەرایەتی رەگەزنامەی سلێمانی رایگەیاندووە، لە چوار مانگی‌ یه‌كه‌می‌ ساڵی 2017 له‌ سنووری پارێزگای‌ سلێمانی‌‌ سێ هه‌زار و 95 گرێبه‌ستی‌ هاوسه‌رگیری‌ ئه‌نجامدراون ‌و لە بەرامبەریشدا 482 حاڵه‌تی‌ جیابوونه‌وه‌ش تۆماركراون.

بەڕێوەبەرایەتی رەگەزنامەی سلێمانی  ئاماژە بە مانگی ئایار دەکات و دەڵێت :”لە مانگی‌ ئایاری 2017 له ‌سنووری‌ پارێزگای‌ سلێمانی‌ 826 گرێبه‌ستی‌ هاوسه‌رگیری‌ ئه‌نجامدراون و لە بەرامبەریشدا 126حاڵه‌تی‌ جیابوونه‌وه‌ش تۆماركراون”‌.

هەر بە گوێرەی ئامارەکە له‌ مانگی‌ كانوونی‌ دووه‌مدا 758 گرێبه‌ستی‌ هاوسه‌رگیری ئه‌نجامدراون ‌و مانگی‌ شوباتیش 783 گرێبه‌ست ئه‌نجامدراون‌. 

لە مانگی‌ ئاداریشدا 697 گرێبه‌ستی‌ هاوسه‌رگیری و مانگی‌ نیسانیش زۆرترین حاڵه‌ت تۆماركراوه‌، كه‌ 857 گرێبه‌ستی‌ هاوسه‌رگیری‌ بووه. له‌مانگی‌ كانوونی‌ دووه‌م 116حاڵه‌تی‌ جیابوونەوە تۆماركراون ‌و مانگی‌ شوبات 104حاڵه‌ت و مانگی‌ ئازار 108 و مانگی‌ نیسانیش 154 حاڵه‌تی‌ جیابوونه‌وه‌ له‌ دادگا تۆماركراون‌.

پێداچوونەوە؛ راوچی حەسەن 

سه‌رچاوه‌

وه‌ڵام دانه‌وه‌

Please enter your comment!
Please enter your name here