لە قەیرەوان شەڕێکی سەختە و ژمارەیەک گوند کۆنترۆڵکرانەوە

0
140

تەحسین قاسم، پەیامنێری رووداو لە نزیک ناحیەی قەیرەوان زانیاری زیاتر لەبارەی شەڕ و پێکدادانەکان دەخاتەڕوو.

رووداو – شنگال

شەڕ و پێکدادانی سەختی نێوان حەشدی شەعبی و چەکدارانی داعش لە ناحیەی قەیرەوان (بلێج) و گوندەکانی دەوروبەری بەردەوامە، تاوەکو ئێستا هێزەکانی حەشدی شەعبی توانیویانە ژمارەیەک گوند کۆنترۆڵ بکەنەوە.

تەحسین قاسم، پەیامنێری رووداو لە نزیک ناحیەی قەیرەوان رایگەیاند، بەپێی زانیاییەکان ژمارەیەک گوندی سەر بە ناحیەی قەیرەوان لەلایەن حەشدی شەعبییەوە کۆنترۆڵکراونەتەوە. هەروەها حەشدی شەعبی کۆمەڵگەی تل بەناتی لە هەر چوار لاوە گەمارۆداوە، شەڕ بەردەوامە و بەسەختی نێو کۆمەڵگەکە بۆردوومان دەکرێت.

ناحیەی قەیرەوان 13 گوند و چەند کۆمەڵگەیەک لەخۆدەگرێت، سەر بە قەزای شنگالە و دەکەوێتە سنووری ماددەی 140. هێزەکانی حەشدی شەعبی هەوڵی ئەوە دەدەن ئەو گوند و کۆمەڵگەیانە کۆنترۆڵ بکەنەوە، بەڵام تاوەکو ئێستا هیچ گوند و کۆمەڵگەیەکی کوردانی ئێزدی وەکو تل بەنات، تل قەسەب، کۆجۆ و گرعزێر کۆنترۆڵ نەکراوەتەوە.

پەیامنێری رووداو ئاماژە بەوەش دەدات، فڕۆکە شەڕکەرەکانی عێراق بەردەوام چاودێری ئاسمانی ناوچەکە دەکەن، رەوشەکە ئاڵۆزە شەڕ و پێکدانانی نێوان هێزەکانی حەشدی شەعبی و چەکدارانی داعش بەردەوامە.

هەر ئەمڕۆ هەلیکۆپتەرێکی جەنگی سوپای عێراق کە پاڵپشتی چەکدارانی حەشدی شەعبی دەکرد، لە گوندی تل بەنات پێکرا. لە راگەیێندراوێکدا شانەی راگەیاندنی جەنگی رایگەیاند، لەکاتی ئۆپەراسیۆنی سەربازیی کۆمەڵگەی تەل بەنات و پاڵپشتیکردنی پێشڕەوی هێزەکانی حەشدی شەعبی، یەکێک لە هەلیکۆپتەرەکانی سوپای عێراق لەکاتی بۆردوومانکردنی پێگەکانی چەکدارانی داعش پێکرا.

وەک راگەیێندراوەکەی شانەی راگەیاندنی جەنگی ئاماژەی بۆ کردووە، فڕۆکەوانەکە توانیویەتی هەلیکۆپتەرەکەی بەپێکراوی بگەڕێنێتەوە و بەسەلامەتی نیشتووەتەوە.

حەشدی شەعبی رۆژی شەممە 13-5-2017، پچڕاندنی رێگەی سەرەکی نێوان قەیرەوان و قەزای شنگالی لە میحوەری رۆژئاوای موسڵ راگەیاند، دوای ئەوەی گوندی خنیسیان لە رۆژئاوای تەلەعفەر کۆنترۆڵکردەوە.

سه‌رچاوه‌

وه‌ڵام دانه‌وه‌

Please enter your comment!
Please enter your name here