مەلا کرێکار چاوی لەگرتنەدەستی دەسەڵاتە و داوای ڕوبەڕوبونەوە لەمەلا بەختیار دەکات 3 .

0
27

خەندان-

مەلا كرێكار رایدەگەیەنێت ئەگەر دەسەلات بگرینە دەست، نان و ئەمان بۆ ئەو خەڵكە دابین دەكەین، بێ ئەوەی حسابی تەزكیەی حزبی لەگەڵدا بكەین، داواش لە مەلا بەختیار دەكات پاسپۆرتی هەیە و با بێت منازەرەیەك پێكەوە بكەن تا بزانین چی لە هەگبەدا هەیە!

لە دو گرتەی ڤیدیۆیدا كە لە کەناڵی یوتیوب بڵاوكراوەتەوە، مەلا كرێكار چەند پەیامێك ئاراستەی مەلا بەختیار بەرپرسی دەستەی كارگێڕی ئەندامی مەكتەبی سیاسی یەكێتی نیشتیمانی كوردستان دەكات و پێی دەڵێت: “زۆر دەمێكە لەناو یەكێتیدایت، خاوەنی رێكخراوە دیموكراتیەكان بویت، بەڵام شكستتهێناوە و لەناو ئەوانەشدا دیموكراتیت دروست نەكردوە”.

شكستان حەتمیە، لەبەر ئەوەی بەرامبەر ئیسلامە

 

مەلا كرێكار دەشڵێت:” دەمەوێت بە مەلا بەختیارو هاوبیرەكانی بڵێم: “شكستان حەتمیە، لەبەر ئەوەی بەرامبەر ئیسلامە، ئێوە شكستی عەلمانیەکانی عەرەب و تورك، لە مەغریبەوە تا ئەندەنوزیا، دەبینن، بە غەیری كوتەك بە غەیری جەیش بەغەیری موخابەرات بە غەیری زیندان، بە غەیری راگەیاندن و چەواشەكاری، وە پارەی دزین، نەتانتوانیوە بگەنە سەر سوڵتە”.

هەر لەو گرتە فیدیۆییەدا داوایەك ئاراستەی مەلا بەختیار دەكات و پێی دەڵێت:”پێموخۆشە لەگەڵ مەلا بەختیار، ئەگەر پێیوایە زۆر شتێكی گەورەیە و ئەتوانێت، منازەرەیەك دابمەزرێنین، مناقەشەیەكی فەلسەفی بكەین و بەرێگەی فەلسەفە بێیت دینەكەمان تێبگەین و چۆن ئسوڵی دینەكە وەربگرین و ئەو رێسایانەی تێگەیشتنی عەقڵی بۆ دینەكەمان هەبێ تێمانگەیەنیت، ئێ فەرمو بەڵێنت پێ ئەدەم و غەیری قسەی فەلسەفی لەگەڵ جەنابت هیچی تر ناڵێم!”

پاسپۆرتت هەیە و ئەتوانیت بێیتە دەرەوە و ئەشتوانین یەك ببینین

 

مەلا كرێكار بە مەلا بەختیار دەڵێت: تۆ باسی دیكارت و فۆڵتێرو ئەمانە دەكەیت، هەر لەسەر ئەوانە مناقەشەت لەگەڵ ئەكەمەوە، وەرە لەسەر فەلسەفەی دیكارت، فەلسەفەی شەك و وجودی لەسەر ئەمە بیسەلمێنین دینەكە چیە و چۆنە!”

لە كۆتایی گرتە ڤیدیۆییەكەدا مەلا كرێكار دەشڵێت:”مەلا بەختیار جەنابت پاسپۆرتت هەیە و ئەتوانیت بێیتە دەرەوە و ئەشتوانین یەك ببینین، وەكو فكریش زنجیرە دەرسێك ئەتوانین تۆمار بكەین بۆ ئەو خەڵكە، ئەشتوانیت شوێنێك دیاری بكەیت بۆ ئەو منازەرە و مناقەشانە، بزانین هیچت لە هەگبەدا هەیە!”

هەروەها لە گرتەیەكی ڤیدیۆیی دیكەدا مەلا كرێكار دەڵێت:”خوایە ئەو كوردستانە بە دەسەڵاتی خۆت بەو میراتیە بدەرەوە دەست ئێمە، بیدەرەوە دەست ئەهلی ئیسلام، لەدەستی ئەم دوو تاغوتەی دەرهێنە، خوایە بەڵێنیش دەدەین، ئەگەر كەوتە بەردەستی ئێمە، نان و ئەمان بۆ ئەو خەڵكە دابین بكەین، هەقمان بەسەر كوفرێكیشەوە نەبێت كە كابرا كافرە، نانی خۆی بدەینێ، بێ ئەوەی حسابی تەزكیەی حزبی لەگەڵدا بكەین”.

شایانی باسە پێشوتر ڕوبەڕوبونەوەیەکی تەلەفزیۆنی لەنێوان مەلا بەختیار و مامۆستا عەلی باپیر ڕویدا بەڵام تا ئێستا دیار نیە ئایا مەلا بەختیار وەک کەسایەتی و سیاسیەکی دیاری علمانی  ئامادەیە داواکەی مەلا كرێكار جێبەجێ بکات و ڕوبەڕوی ببێتەوە یان نا؟

مەلا کرێکار ئێستا نیشتەجێی نەروجیە و یەكێكە لە سەركردە ئیسلامییە دیاریەكان و چەند جارێک بە تۆمەتی توندڕەویی و تێوەگلانی بۆ ھاندانی توندوتیژی و پەیوەندی لەگەڵ ڕێکخراوە توندڕەوەکاندا لەخۆرئاوا دادگایی  و زیندانی کراوە.

 

[ad_2]

سه‌رچاوه‌

وه‌ڵام دانه‌وه‌

Please enter your comment!
Please enter your name here