ناوەڕۆکی کۆبونەوەی پارتی و کۆمەڵی ئیسلامی 1 .

0
12

خەندان-

کۆبونەوەی شاندی باڵای پارتی و کۆمەڵی ئیسلامی کۆتایی هات و دوای کۆبونەوەکە وتەبێژانی هەردو حزب ناوەڕۆکی کۆبونەوەکەیان ئاشکراکرد.

رێبوار حەمەد، وتەبێژی کۆمەڵی ئیسلامی لە کۆنگرەیەکی رۆژنامەوانیدا رایگەیاند، “کۆبونەوەیەکی باشمان لەگەڵ شاندی پارتی ئەنجامداوە و ئیرادەیەکی باش هەیە بۆ باشترکردنی پەیوەندیەکانی پارتی و کۆمەڵ”.

لەبارەی بەشداریکردنی کۆبونەوەی 18ی مانگی پەرلەمانی کوردستان رێبوار حەمەد وتی، “بەشداریک کۆبونەوەکە دەکەین، بەڵام هەڵوێستمان چۆن دەبێت ئەوە دەمێنێتەوە سەر دۆخی ئەوکاتەی هەرێمی کوردستان”.

راشیگەیاند، تا ئێستا پرسی ئۆپۆزسیۆن بونی کۆمەڵی ئیسلامی کراوەیە و ویستویانە دوای بەرچاورونی بڕیاربدەن بۆ ئەوەی بڕیاری بەشداریکردن لە حکومەت یان ئۆپۆزسیۆن بدەن.

هاوکات مەحمود محەمەد، وتەبێژی پارتی دیموکراتی کوردستان لە کۆنگرەکە رایگەیاند، کۆبونەوەی 18ی مانگی پەرلەمانی کوردستان بەڕێوەدەچێت و تا ئێستا یەکێتی نیشتیمانی کوردستان ئاماژەیەکی پیشان نەداوە کە بەشدارنابێت”.

لەبارەی پەیوەندیەکانی حزبەکەی لەگەڵ گۆڕان، وتەبێژی پارتی ئاماژەی بەوەشکرد، “بەرەوپێشچونی باش و لێکەتێگەیشتن لەنێوان پارتی و گۆڕان هەیە”.

زانیاری زیارتر…



سه‌رچاوه‌

وه‌ڵام دانه‌وه‌

Please enter your comment!
Please enter your name here