نووسەرێکی سلێمانی بۆ هەڤاڵ ئەبوبەکر: بۆ کەرکووک ورتەت لێنەهات

0
652

 

نووسەر و توێژەرێکی سلێمانی لە پەیامێکدا کە ئاراستەی پارێزگاری سلێمانی کردووە، پرسیاری ئەوەی لێدەکات کە لەکاتێکدا “بۆ کەرکووک ورتەت لێوەنەهات”، خێرە بۆ عەفرین تازیەبارە؟

 

سۆران سێوکانی، نووسەر و توێژەری شاری سلێمانی، لە پەیامێکدا کە لە پێگەی تایبەتیی خۆی لە تۆڕی کۆمەڵایەتیی (فەیسبووک) بڵاوی کردووەتەوە، بۆ هەڤاڵ ئەبوبەکر نووسیویەتی: “برای بەڕێز پارێزگاری شار، بۆ کەرکووک ورتەیەکت لێنەهات، خێرە بۆ عەفرین تازیەباریت؟”.

 

هاوکات ئەوەی ڕوون کردووەتەوە کە عەفرین نەمردووە تاوەکوو پرسەی بۆ دابنرێت و “ئەگەر گیانیشی دەرچووبێت، ئەو شەهیدە، شەهید ناشۆرێ و کفنیش ناکرێ و تازیەشی ناوێت، بەڵکوو عەرەبئاسا دەبێ شەهید بە هەلهەلەوە بنێژرێت”.

 

ئەم پەیامەی سێوکانی دوای ئەوە هات کە ئێواری ڕۆژی یەکشەممە 18/3/2018، هەڤاڵ ئەبوبەکر، پارێزگاری سلێمانی 3 ڕۆژ ماتەمینی بەهۆی داگیرکردنی عەفرین لەلایەن سوپای تورکیا ڕاگەیاند. دواتر لە ڕاگەیاندراوێکدا ئەنجومەنی وەزیرانی هەرێمی کوردستان ڕەتیکردەوە کە ڕاگەیاندنی ماتەمینی لە دەسەڵاتی پارێزگاری سلێمانیدا نییە.

 

ڕۆژی ١٦ی ئۆکتۆبەری 2017، کەرکووک لەلایەن هێزە داگیرکەرەکانی عێراق و بەهاوکاریی گرووپی خیانەتی ١٦ی ئۆکتۆبەری نێو یەکێتیی نیشتمانیی کوردستان داگیر کرا، پارێزگاری سلێمانیش هیچ هەڵوێستێکی بۆ ئەو داگیرکارییە ڕانەگەیاند.

سه‌رچاوه‌

وه‌ڵام دانه‌وه‌

Please enter your comment!
Please enter your name here