نوێنەری عەلی خامنەیی سەردانی كەركووك و خورماتوو دەكات

0
13

موجتەبا حوسێنی، نوێنەری عەلی خامنەیی، رێبەری باڵای كۆماری ئیسلامی ئێران

رووداو-هەولێر

نوێنەری رێبەری باڵای کۆماری ئیسلامی ئێران لە عێراق بە یاوەری فەرماندەیەکی سوپای پاسداران سەردانی چەند ناوچەیەکی پارێزگای كەركووك، داقوق و قەزای خورماتووی سەربە پارێزگای سەلاحەدینی كرد.

عەلی حوسێنی، گوتەبێژی میحوەری باكووری حەشدی شەعبی بەتۆڕی میدیایی رووداوی راگەیاند “ئایەتوڵڵا موجتەبا حوسێنی، نوێنەری عەلی خامنەیی، رێبەری باڵای كۆماری ئیسلامی ئێران، بەیاوەری عەلی ئیقباڵپوور، فەرماندەیەکی باڵای سوپای پاسداران و نوێنەری قاسم سولەیمانی لە عێراق، سەردانی قەزای خورماتوو و گوندە توركماننشینەكانی كرد. ئەم سەردانەش پەیامێكە بەوەی كە چاودێری باوكانەی پیاوانی ئایینی لە نەجەف و قووم بۆ توركمانەكان لەهەموو كات و ساتێكدا بەردەوامە “. 

عەلی حوسێنی هەروەها گوتی “پەیامێكی دیكەی سەردانەکە لە نزیكەوە ئاگاداربوونە لە ناوچە وێرانبووەكانی توركمانانی شیعە لە خورماتوو، ئامرلی و ژمارەیەك گوندی دیكە بە مەبەستی گەیاندنی پەیامی دانیشتووانی ئەو ناوچانە بۆ خامنەیی كە ئێمە قوربانی دەدەین و خۆڕاگر و ئارامگر و سەركەوتووین، چونكە ئێمە سەربازانی ویلایەت و مەرجەعیەتین”.

سه‌رچاوه‌

وه‌ڵام دانه‌وه‌

Please enter your comment!
Please enter your name here