نێچیرڤان بارزانی لە کۆڕبەندی ئەنجوومەنی ئەتلەنتیک لە ئیستەنبوڵ بەشداریکرد

0
383

نێچیرڤان بارزانی لە کۆڕبەندی ئەنجوومەنی ئەتلەنتیک لە ئیستەنبوڵ

رووداو- ئیستەنبوڵ

رۆژی هەینی 28-4-2017 دووەم رۆژی هەشتەمین کۆڕبەندی ئەنجوومەنی ئەتلانتیک لە شاری ئیستەنبۆل لەکاتێکدا بەڕێوەچوو کە سەرۆکوەزیرانی هەرێمی کوردستان ئامادەی کۆڕبەندەکەبوو. 


لە کۆڕبەندەکەدا بە ئامادەبوونی شرۆڤەکاران و وەزیرانی وڵاتانی بەشداربوو، گرنگترین پرسەکانی پەیوەست بە ئابووری و وزە و دارایی و کێشە ئەمنییەکانی ناوچەکە تاوتوێ دەکرێن.

لە دووەم رۆژی کۆڕبەندەکەدا رەجەب تەیب ئەردۆغان سەرۆککۆماری تورکیا گوتارێکی پێشکەش کرد و رایگەیاند: “بەڕێوەچوونی لووتکەی ئەتڵەنتیک دەبێتە هۆکار بۆ باشبوونی دۆخی ئابووری تورکیا”.  

 

سەرۆککۆماری تورکیا گوتی: “دۆخی ناوچەکە بەگۆڕانکاری خێرا تێدەپەڕێت و پێویستە قەیرانەکان چارەسەربکرێن ، تووندوتیژی کێشەکان چارەسەرناکات. لە رۆژهەڵاتی نێوەڕاست کێشەی زۆرهەن  و هەڕەشەکان زۆرتربوون”.

ئەردۆغان بەشار ئەسەدی بە دیکتاتۆر و خوێنڕێژ ناوبرد و گوتی: “ئەسەد هۆکاری سەرەکی ئاوارەبوونی خەڵکی سووریایە”.
  
سەبارەت بە عێراق ، سەرۆککۆماری تورکیا گوتی: “کێشەکانی عێراق مەزهەبییە، مەزهەبگەریی عێراقی بەرەو هەڵدێر بردووە”.


یەکێک لە تەوەرە گرنگەکانی کۆڕبەندەکە پەیوەستە بە پرۆژە ستراتیژییەکانی گواستنەوەی گازی سرووشتی لە رێگەی خاکی تورکیاوە، کە بە پرۆژەی تەوژمی باشوور بەناوبانگە و هەرێمی کوردستانیش هەر بە نیازە لەرێگەی ئەو پرۆژەیەوە گازی سرووشتی خۆی هەناردەی ئەوروپا بکات.

پانێڵەکانی دیکەی کۆڕبەندەکە پەیوەستن بە داهاتووی دوو وڵاتی ئێران و عێراق و تێیدا شرۆڤەکاران تیشک دەخەنە سەر داهاتووی ئێران پاش رێککەوتنە ئەتۆمییەکەی و هەروەها داهاتووی عێراق پاش نەمانی داعش.

داڕشتنەوە؛ عومەر شایان



سه‌رچاوه‌

وه‌ڵام دانه‌وه‌

Please enter your comment!
Please enter your name here