نێچیرڤان بارزانی و ئەردۆغان لە ئیستەنبوڵ کۆدەبنەوە

0
452

نێچیرڤان بارزانی و رەجەب تەیب ئەردۆغان لە پەراوێزی کۆڕبەندی ئەنجوومەنی ئەتلەنتیک لە ئیستەنبوڵ 28-4-2017
نێچیرڤان بارزانی و رەجەب تەیب ئەردۆغان لە پەراوێزی کۆڕبەندی ئەنجوومەنی ئەتلەنتیک لە ئیستەنبوڵ 28-4-2017

رووداو- ئیستەنبوڵ

سەرۆکوەزیرانی هەرێمی کوردستان کە بۆ بەشداریی لە کۆڕبەندی ئەنجوومەنی ئەتلەنتیک لە ئیستەنبوڵە ، بڕیارە لەگەڵ سەرۆککۆماری تورکیا کۆببێتەوە.

سەرکان ئینجە ، پەیامنێری رووداو لە ئیستەنبوڵ رایگەیاند: “بڕیارە کاژێر 16:00 نێچیرڤان بارزانی ، سەرۆکوەزیرانی هەرێمی کوردستان و رەجەب تەیب ئەردۆغان ، سەرۆککۆماری تورکیا لە کۆشکی (مابەین) لە ئیستەنبوڵ کۆببنەوە”.

رۆژی هەینی 28-4-2017 دووەم رۆژی هەشتەمین کۆڕبەندی ئەنجوومەنی ئەتلانتیک لە شاری ئیستەنبۆل لەکاتێکدا بەڕێوەچوو کە سەرۆکوەزیرانی هەرێمی کوردستان ئامادەی کۆڕبەندەکەبوو. 

لە کۆڕبەندەکەدا بە ئامادەبوونی شرۆڤەکاران و وەزیرانی وڵاتانی بەشداربوو، گرنگترین پرسەکانی پەیوەست بە ئابووری و وزە و دارایی و کێشە ئەمنییەکانی ناوچەکە تاوتوێ دەکرێن.

لە دووەم رۆژی کۆڕبەندەکەدا رەجەب تەیب ئەردۆغان سەرۆککۆماری تورکیا گوتارێکی پێشکەش کرد و رایگەیاند: “بەڕێوەچوونی لووتکەی ئەتڵەنتیک دەبێتە هۆکار بۆ باشبوونی دۆخی ئابووری تورکیا”.  

یەکێک لە تەوەرە گرنگەکانی کۆڕبەندەکە پەیوەستە بە پرۆژە ستراتیژییەکانی گواستنەوەی گازی سرووشتی لە رێگەی خاکی تورکیاوە، کە بە پرۆژەی تەوژمی باشوور بەناوبانگە و هەرێمی کوردستانیش هەر بە نیازە لەرێگەی ئەو پرۆژەیەوە گازی سرووشتی خۆی هەناردەی ئەوروپا بکات.

داڕشتنەوە؛ عومەر شایان



سه‌رچاوه‌

وه‌ڵام دانه‌وه‌

Please enter your comment!
Please enter your name here