هەدەپە: ساختەکاری گەورە لە گشتپرسی کراوە

0
294

کۆنگرەی رۆژنامەڤانی پارتی دیموکراتی گەلان (هەدەپە)

رووداو – هەولێر

پارتی دیموکراتی گەلان (هەدەپە) رایدەگەیێنێت: گشتپرسییەکەی تورکیا بەشێوەیەکی نایاسایی بەڕێوەچوو و ساختەکاری گەورە لە دەنگدان کرا، ساختەکارییەکەش ئەنجامەکەی گۆڕی.

مەدحەت سەنجار، پەرلەمانتاری بازنەی مێردینی هەدەپە، لە کۆنگرەیەکی رۆژنامەڤانیدا بەناوی فراکسیۆنەکەی رایگەیاند: ساختەکاری گەورە لە گشتپرسیی هەموارکردنەوەی دەستوور کراوە و دەنگە ساختەکان پرۆسە و ئەنجامەکەیان گۆڕی. 

بەبڕوای سەنجار دەنگە ساختەکان بە بەرنامە هەژمارکراون و گشتپرسییەکە بەشێوەیەکی نایاسایی بەڕێوەچووە، بۆیە کەمتەرخەمییەکی زۆر لە شەرعییەتی گشتپرسی هەیە.

ئەو پەرلەمانتارەی هەدەپە راشیگەیاند: پسوولە بێ مۆرەکان باشترین بەڵگەن لەسەر ناشەرعیبوونی گشتپرسییەکە و ئەگەر کۆمیسیۆن گشتپرسییەکە هەڵنەوەشێنێتەوە، ئەوا خۆی لەکەدار دەکات.

رۆژی 16-4-2017، پرۆسەی گشتپرسی بۆ هەموارکردنەوەی دەستوور لە تورکیا بەڕێوەچوو، بەپێی ئەنجامە سەرەتاییەکانیش دەنگی بەڵێ بە رێژەی 51.4 % لەپێشەوەیە. 

بەڵام ئەنجامی گشتپرسییەکە کاردانەوی لێکەوتەوە و هەردوو پارتی هەدەپە و جەهەپە کە پاڵپشتی دەنگی نەخێر بوون، شەرعییەتیان بە ئەنجامەکە نەدا، لە چەند شار و شارۆچکەیەکی دیکەش بەفەرمی و ئاسایی تانە لە ئەنجامەکان درا و، زۆرێک لە تانەکان بە نووسراو ئاراستەی کۆمسیۆنی باڵای هەڵبژاردنەکانی تورکیا کران.

دوای گشتپرسییەکەش عوسمان بایده‌میر، گوتەبێژی هەدەپە رایگەیاند: ریفراندۆم له‌ كه‌شێكی نه‌گونجاو و لەژێر گوشاری باری نائاسایی ئه‌نجامدرا. نه‌خێر سه‌ركه‌وت چونكه‌ ده‌سه‌ڵات هه‌موو توانایه‌كی به‌كارهێنا، وێڕای هه‌موو جۆره‌ ساخته‌كاری و گوشار و هه‌ڕه‌شه‌ و كاری نایاسایی بێسنوور، ئینجا 51%ی ده‌نگه‌كانیان به‌ده‌ستهێنا. 

سه‌رچاوه‌

وه‌ڵام دانه‌وه‌

Please enter your comment!
Please enter your name here