هەزاران زیارەتکاری شیعە بۆ ماتەمگێڕان چوونەتە بەغدا

0
405

بەهمەن حەسەن، پەیامنێری رووداو لە بەغدا باسی مەراسیمەکە دەکات

رووداو – بەغدا

رێوڕەسمەکانی ماتەمگێڕانی ساڵیادی کوژرانی ئیمام موسا کازم لە شاری بەغدا دەستیپێکردووە. ژمارەیەکی زۆر زیارەتکارانی ئێرانی و جیهانی بەشداریی لە رێوڕەسمەکاندا دەکەن.

بەهمەن حەسەن، پەیامنێری تۆڕی میدیایی رووداو لە بەغدا رایگەیاند، لە ماوەی سێ رۆژی رابردوودا رێوشوێنی ئەمنی تووند لەلایەن ئۆپەراسیۆنە سەربازییەکانی بەغداوە گیراوەتەبەر، ناوچەی کازمیە بە سێ جەمسەر دەوردراوە، تەنها ئەو شەقامە سەرەکیانە کراونەتەوە بۆ زیارەتکارانی شیعەمەزهەب لە پارێزگاکانی باشوور و ناوەڕاست، ئەو زیارەتکارە ئێرانیانەی بەپێ لە خاڵە سنووریەکانی بەسرە و عمارە دێن. هاوکات بە سەتان هەزار زیارەتکاری شیعە مەزهەبی جیهانی گەیشتوونەتە بەغدا و بە هەزارانی دیکەش لە رێگادان.

پەیڕەوانی شیعە مەزهەب، ئەگەر یادی کوژرانی یەکێک لە ئیمامەکانیان بێت، لە مەزارگەی ئیمامەکەوە داوا دەکەن شوێنکەوتووانی ئەو بیروباوەڕی شیعە مەزهەبەکان لەگەڵ خۆیان بباتە بەهەشت.

لە بیروباوەڕی شیعە مەزهەبەکاندا، کە زۆرینە 12 ئیمامیان پێدەگوترێت، لە هەموو رێوڕەسمەکانی ماتەمگێڕان، چ لە یادی کوژرانی ئیمامەکانیان و چ لە رۆژی لەدایکبوونی ئیمامەکانیان سەتان کیلۆمەتر بەپێ دەبڕن و جلوبەرگی رەش دەپۆشن، کە دەگەنە مەزارگەکان نزا دەکەن و دەپاڕێنەوە.

داڕشتنەوە: حەکیم داود



سه‌رچاوه‌

وه‌ڵام دانه‌وه‌

Please enter your comment!
Please enter your name here