وەزارەتی پەروەردە روونكردنەوە لەبارەی پشووی یەکی ئایار دەدات

0
387

لۆگۆی وەزارەتی پەروەردە
لۆگۆی وەزارەتی پەروەردە

رووداو – هەولێر

گوتەبێژی وەزارەتی پەروەردەی هەرێمی كوردستان رایگەیاند، پشووی یەکی ئایار ناوەندەكانی خوێندن لە سنووری سلێمانیش دەگرێتەوە.

سامان سیوەیلی، گوتەبێژی وەزارەتی پەروەردەی هەرێمی كوردستان بە (تۆڕی میدیایی رووداو)ی راگەیاند، هەرچەندە پێشتر بڕیارێك هەبوو كە هیچ پشووێک ناوەندەكانی خوێندن لە سنووری سلێمانی نەگرێتەوە، بەڵام بەپێی بڕیارێكی نوێی وەزارەتی پەروەردە، پشووی یەکی ئایار کە جەژنی كرێكارانی جیهانە، ئەو سنوورەش دەگرێتەوە‌.

سیوەیلی گوتیشی “لەبەرئەوەی جەژنەكە جیهانییە، بۆیە وەزارەتی پەروەدە بڕیاری داوە پشووەكە قوتابخانە ‌و خوێندنگەكانی سنووری سلێمانیش بگرێتەوە”.

لە 1-5ی هەموو ساڵێكدا، بەبۆنەی جەژنی كرێكارانەوە لە هەرێمی كوردستاندا  پشووی فەرمییە. ئەمساڵیش پشووەكە دەكەوێتە رۆژی دووشەممەی هەفتەی داهاتوو.

بەهۆی مانگرتنی مامۆستایان لە سنووری پارێزگای سلێمانی ‌و دەوروبەری لە سەرەتای وەرزی خوێندنی ئەمساڵ ‌و راگرتنی خوێندن بۆ ماوەی نزیكەی 100 رۆژ، وەزارەتی پەروەردە بڕیاری داوە هیچ یەكێك لە پشووە فەرمییەكان ناوەندەكانی خوێندنی ئەو سنوورە نەگرنەوە.

پێداچوونەوە: دەرباز ساڵح

سه‌رچاوه‌

وه‌ڵام دانه‌وه‌

Please enter your comment!
Please enter your name here