په‌یكه‌رێ رزگاربوویه‌كا ئێزدى دێ نه‌ته‌وه‌یێن ئێكگرتى هێته‌ دانان

0
130

به‌رپرسێ ده‌زگه‌هى ئێزدیان ل هۆله‌ندا دیاركر كو په‌یكه‌رێ كچه‌كا رزگاربوویا ئێزدى دێ نه‌ته‌وه‌یێن ئیكگرتى هێته‌ دانان نوكه‌ ئه‌ڤ پرۆژه‌ دقوناغێن دان وستاندنێ دایه‌ دگه‌ل رێكخراوان وده‌وله‌تێن ئه‌ندام نه‌ته‌وه‌یێن ئیكگرتى دا.

 

حه‌سۆ هورمى، به‌رپرسێ ده‌زگه‌هى ئێزدیان ل هۆله‌ندا بۆ(باسنیوز) دیاركر: “هه‌تا نوكه‌ 16 رێكخراوێن ده‌ولێ پشته‌ڤانیى ل سه‌ر دانانا په‌یكه‌رێ رزگاربوویه‌كا ئێزدى ل نه‌ته‌وه‌یێن ئێكگرتى كریه‌ وده‌وله‌ته‌كا ئه‌ندام ژى پشته‌ڤانیى كریه‌ دێ پرۆژه‌ ب رییا وێ ده‌وله‌تى هێته‌ ره‌وانه‌كرن بۆ جنیف ل نه‌ته‌وه‌یێن ئیكگرتى ئه‌م یێ هه‌ولده‌ین په‌یكه‌رێ دهێته‌ دانان ده‌ربرینى ژ زۆردارى وده‌رده‌سه‌ریا كچێن ئێزدى بكه‌ت كچا ئێزدى شیا خورابگرت وچیرۆكێن ره‌ڤاندنان خوه‌ بۆ جیهانێ به‌حس بكه‌ت ئه‌ڤه‌ نه‌تشه‌كێ كێمه‌ كچ و ژن ره‌ڤاندیێن ئێزدى ئه‌نجام ده‌ن”.

 

ئاشكه‌را كر كو لیژنه‌كا ته‌كنیكى ل نه‌ته‌وه‌یێن ئێكگرتى دى بریارى ل سه‌ر پرۆژى دانانا په‌یكه‌رى ده‌ت ئه‌و په‌یكه‌ر دێ بیته‌ هیمایێ خوراگریا وسمبولا ئاشتیى هه‌ر كه‌سه‌كێ قه‌ستا نه‌ته‌وه‌یێن ئیكگرتى بكه‌ت دێ جینوسایدا بسه‌رى ئێزدیان هاتى ل ته‌باخا سالا 2014ێ ژلایێ تیرۆرستێن داعش ڤه‌ بینت.

سه‌رچاوه‌

وه‌ڵام دانه‌وه‌

Please enter your comment!
Please enter your name here