چاڤی هێرناندێز داواکارییەکی گەورەی بارسێلۆنای رەتکردەوە

0
127

چاڤی هێرناندێز
چاڤی هێرناندێز

رووداو – هەولێر

چاڤی هێرناندێز، ئەستێرە و کاپتنی پێشووی یانەی بارسێلۆنا و یاریزانی ئێستای یانەی سەددی قەتەری داواکارییەکی گەورەی یانەکەی پێشووی رەتکردەوە.

رادیۆی کادینا سێر بڵاویکردووەتەوە، دەستەی کارگێری یانە کەتەلۆنییەکە داوای لە چاڤی کردووە پۆستی راهێنەرایەتی تیپی دووەمی یانەکە وەربگرێت، بەڵام ئەو یاریزانە داواکارییەکەی رەتکردووە و بەدەستەی کارگێری یانەکەی گوتووە بۆ ئەو کارە ئامادەنییە.

چاڤی 37 ساڵ پلانی داناوە دەستپێکی کاروانی راهێنەرایەتیی لە قەتەر دەستپێبکات، نەک ئەوروپا، کە چاوەڕواندەکرێت لە هاوینی داهاتوو واز لە یاریکردن بهێنێت.

سەرچاوەکە ئاماژەی بۆ ئەوەکردووە، هۆکارێکی دیکەی رەتکردنەوەی ئەو داواکارییەی بارسێلۆنا لەلایەن چاڤییەوە ئەوەیە کە ئەو یاریزانە بۆ دوو ساڵ گرێبەستی لەگەڵ یانەی سەدد هەیە.

چاڤی لەبەرامبەر ئەو داواکارییە سوپاسی بەرپرسانی یانەی بارسێلۆنا دەکات و داوای لێبوردنی کردووە کە ناتوانێت ئێستا ئەو کارە ئەنجامبدات.

سه‌رچاوه‌

وه‌ڵام دانه‌وه‌

Please enter your comment!
Please enter your name here