ڕانیه‌.. له‌ شه‌ڕی نێوان دوو بنه‌ماڵه‌دا دوو كه‌س كوژران

0
112

ئێواره‌ى ئه‌مڕۆ شه‌ممه‌ له‌ گوندێكى سه‌ر به‌ شاره‌دێى چوارقوڕنه‌ى سنوورى شارى ڕانیه‌،به‌هۆى كێشه‌یه‌كى كۆمه‌ڵایه‌تى دوو كه‌س كوژران و پۆلیسى سنووره‌كه‌ش له‌ هه‌وڵى كۆنتڕۆڵكردنى بارودۆخه‌كه‌یه‌.

 

شۆڕش ئیسماعیل، گوته‌بێژی پۆلیسی راپه‌ڕین به‌ (باسنیوز) ى ڕاگه‌یاند: “دواى ئه‌وه‌ی پاشنیوه‌ڕۆی ئه‌مڕۆ هاووڵاتیه‌ك له‌ناو شاره‌دێى حاجیاواى سنوورى ڕانیه‌ به‌ ده‌ستڕێژی گوله‌ كوژرا، كێشه‌كه‌ په‌ره‌یسه‌ند و له‌ گوندى كڵاوسورانى سه‌ر به‌ شاره‌دێێ چوارقوڕنه‌ شه‌ره‌ته‌قه‌ له‌نێوان دوو بنه‌ماڵه‌دا درووست بوو و به‌وهۆیه‌وه‌ دوو كه‌سى دیكه‌ كوژران و كه‌سێكی دیكه‌ش بریندار بوو”.

 

هه‌روه‌ها گوتیشى: “كوژراوه‌كان كه‌س و كارى یه‌كترن و دواى ڕووداوه‌كه‌ش پۆلیس گه‌یشته‌ شوێنه‌كه‌ و كوژراو و برینداره‌كان بۆ نه‌خۆشخانه‌ گواسترانه‌وه‌ و چه‌ند كه‌سێكیش ده‌ستگیركراون”.

 

ئاشكراشى كرد، هۆكارى ڕوداوه‌كان به‌هۆى كێشه‌ى كۆمه‌ڵایه‌تى بووه‌و له‌ ئێستا دۆسیه‌ى لێكۆڵینه‌وه‌یان بۆ كراوه‌ته‌وه‌ و بارودۆخه‌كه‌ش كۆنتڕۆڵ كراوه‌.

سه‌رچاوه‌

وه‌ڵام دانه‌وه‌

Please enter your comment!
Please enter your name here