ڤیدیۆ؛ نارنجۆکێک هەڵدرایە ماڵی بەڕێوەبەری پۆلیسی ئازادیی كەركووك

0
22

شاهۆ فەرهاد: دووەمجارە نارنجۆک هەڵدەدرێتە نێو ماڵەکەمان

رووداو – کەرکووک 

نارنجۆکێک هەڵدەدرێتە ماڵی بەڕێوەبەری بنكەی پۆلیسی ئازادیی شاری كەركووك، كوڕە گەورەی بەڕێوەبەرەكەش دەڵێت “ئەمە دووەمجارە نارنجۆک بۆ ماڵەكەمان هەڵدەدرێـت و هەمووشی بە مەبەستی كوشتنە”.

شاهۆ فەرهاد مەحموود، كوڕە گەورەی عەقید فەرهاد بەڕێوەبەری بنكەی پۆلیسی ئازادیی شاری كەركووك، بە تۆڕی میدیایی رووداوی راگەیاند شەوی رابردوو (11-2-2019) لەلایەن ئۆتۆمبێلێكی جۆری فۆڕد نارنجۆکێک هەڵدراوەتە ماڵەكەیانەوە، گوتی “خۆشبەختانە نارنجۆکەکە زیانی گیانی نەبوو ‌و تەنیا زیانی ماددی هەبووە، بەڵام دیارە بەمەبەستی كوشتن هەڵدراوە، چونكە نارنجۆکەکە 40 پارچە بووە، دوای رووداوەكەش هێزە ئەمنییەكان هاتن‌و دەستیان بە لێكۆڵینەوە كرد”.

شاهۆ فەرهاد باسی لەوەشكرد ئەوە یەكەمجار نییە نارنجۆک هەڵبدرێتە ماڵەكەیانەوە ‌و گوتی “دوای رووداوەكانی 16ی ئۆكتۆبەر ساڵی رابردووش شەوێك بەهەمان شێوە دوو نارنجۆکی 40 پارچە هەڵدرایە ماڵەكەمانەوە”.

لەدوای رووداوەكانی 16ـی ئۆكتۆبەری 2017، كە پێشمەرگە لە ناوچە كێشە لەسەرەكان ‌و كەركووك نەما، بەڕێوەبەرانی حكومی كورد لە كەركووك بەشێوازی جۆراجور گوشاریان لەسەر زیادبووە.

 

پێداچوونەوە: هەڵات رێبوار

سه‌رچاوه‌

وه‌ڵام دانه‌وه‌

Please enter your comment!
Please enter your name here