کاتی تیروپشکی قۆناخی 8ـی چامپیۆنزلیگ

0
22

چامپیۆنزلیگ
چامپیۆنزلیگ

رووداو – هەولێر

دوای کۆتاییهاتنی رکابەرییەکانی قۆناخی شازدەی خولی یانە پاڵەوانەکانی ئەوروپا و سەرکەوتنی 8 یانە بۆ قۆناخی داهاتوو، هاندەرانی چامپیۆنزلیگ چاوەڕێی یارییەکانی ئەو قۆناخە دەکەن.

رۆژی هەینی کاژێر 14:00 بەکاتی باشووری کوردستان تیروپشکی قۆناخی 8ـی خولی یانە پاڵەوانەکانی ئەوروپا لە شاری نیۆنی سویسرا رادەکێشرێت.

بۆ یەکەمجارە چامپیۆنزلیگ لەگەڵ راکێشانی تیروپشکی قۆناخی 8 تیروپشکی قۆناخی پێشکۆتاییش بەخۆیەوە دەبینێت و پێکەوە یارییەکانی هەردوو قۆناخەکە ئاشکرا دەکرێن، کە کام یانە لەو دوو قۆناخەی داهاتوودا رووبەڕووی یەکدەبنەوە.

لە قۆناخی هەشتی پاڵەوانێتییەکەدا یانەکان ئەمانەن

ئەیاکس – هۆڵەندا
مانچێستەر سیتی – ئینگلتەرا
مانچێستەر یونایتد – ئینگلتەرا
تۆتێنهام – ئینگلتەرا
لیڤەرپوول – ئینگلتەرا
یوڤێنتوس – ئیتالیا
پۆرتۆ – پۆرتوگال
بارسێلۆنا – ئیسپانیا

یارییەکانی چوونی قۆناخی هەشتی پاڵەوانێتییەکە رۆژەکانی 9 و 10 ـی مانگی داهاتوو ئەنجامدەدرێن، یارییەکانی گەڕانەوەش لە 16 و 17ـی هەمان مانگ ئەنجامدەدرێن.

گۆڵکەری چامپیۆنزلیگ

رۆبێرت لیڤاندۆڤسکی – بایرن میونشن – 8 گۆڵ
لیۆنێل مێسی – بارسێلۆنا – 6 گۆڵ
دوشان تادیچ – ئەیاکس – 6 گۆڵ
موسا ماریگا – پۆرتۆ – 6 گۆڵ
پاوڵۆ دیبالا – یوڤێنتوس – 5 گۆڵ
سێرجیۆ ئەگوێرۆ – مانچێستەر سیتی – 5 گۆڵ
هاری کەین – تۆتێنهام – 5 گۆڵ

سه‌رچاوه‌

وه‌ڵام دانه‌وه‌

Please enter your comment!
Please enter your name here