گۆڕان لە 848 پۆستی سلێمانی و هەڵەبجە تەنیا 33 پۆستی پێدراوە

0
182

ئێستا هەردوو پارێزگارەکانی سلێمانی و هەڵەبجە یەکێتین

رووداو- هەولێر

رێکەوتنی یەکێتی و گۆران نزیکەی ساڵیکە واژۆ کراوە، لە سەرەتاوە ئومێدێکی زۆری لەسەر هەڵچنرا بەڵام تاوەکو ئێستا ئەنجام و بەرهەمی زۆر کەمترە لەو خاڵانەی لەسەریان رێککەوتن و واژۆیان لەسەر کرا.

پارتی هەر لە سەرەتاوە حەزی پێی نەبووە، دەیویست یەکێتی وەک هاوپەیمانی ستراتیژی خۆی بمێنی پێکەوە ئیدارەی وڵات بکەن، شەڕ و قەیرانی دارایی تێپەڕینن، لە سلێمانی رێککەوتنەکە هەندێ دۆخەکەی هێورکردەوە، بەڵام ئاکام لە رەهەندە سیاسی و ستراتیژیەکاندا رێککەوتنەکە کاریگەری نەکردە سەر پەیوەندی و پلانی یەکیتی و پارتی  بۆ ئایندەی هەرێمی کوردستان.

گۆڕان پاریزگاری سلێمانیان وەرگرت بەڵام هەر بە وەکالەتە تاوەکو ئێستاش چونکە گۆڕان نایەوێ مەرسومی سەرۆکایەتی هەرێمی کوردستان بە واژۆی بارزانی بۆ پاریزگار دەربچێ، بۆیە نەکرا هەڤاڵ ئەبوبەکر کە دەنگی هێنا ببێتە پارێزگار، سەردار قادر لە پشکی گۆران دانرا ئەویش بە ناوی لە بری پارێزگار ئیدارەی پۆستەکەی دەکرد. 

قائیمقامی سەیدسادق بڕیار بوو یەکێتی بیدات بە گۆڕان بەڵام رێکنەکەوت و گۆڕان ئەمە بە پاشگەزبوونەوەی یەکێتی دەزانێ، سەرۆکی ئەنجوومەنی پارێزگای سلێمانیش گۆڕان بوو هەڤاڵ ئەبوبەکر بە رێککەوتنی 2 ساڵ بە 2 ساڵ لەو پۆستەدا بوو دوایی رادەستی یەکێتی کرا.

یەکێتیش پۆستی پارێزگاری بەواندا، دواجار پارێزگارەکەش لای گۆڕان هەر نەما ئێستا عومەر ئەحمەد کە لە پشکی یەکێتییە بووەتەوە بە پارێزگار. لە هەڵەبجەش پارێزگار گۆڕان بوو وازی لێهێنا بەپێی رێکەوتن ئەوشیان هەر لە دەستچوو، ئێستا عەلی عوسمان کە یەکێتییە بە وەکالەت پاریزگاری هەڵەبجەیە.

لەدەستدانی پۆستەکانی گۆڕان

پارێزگاری سلێمانی

قائیمقامی سەیدسادق

سەرۆکی ئەنجوومەنی پارێزگای سلێمانی

پارێزگاری هەڵەبجە

بەپێی رێککەوتن لە 17-5-2016 دا وەک گۆڕان دەڵێ دەبوو لە 848 پۆست نیوەیان بۆ گۆڕان بن بەڵام تاوەکو ئێستا تەنیا 33 پۆست دراونەتە ئەو بزووتنەوەیە. 

پێداچوونەوە؛ عومەر شایان

سه‌رچاوه‌

وه‌ڵام دانه‌وه‌

Please enter your comment!
Please enter your name here