گەلاوێژ نوێترین دووهەفتەنامەی کوردیی رۆژهەڵاتی کوردستانە

0
306

رۆژنامەنووسی کوردی لە رۆژهەڵاتی کوردستان کێشەی جۆراوجۆری هەیە

رووداو- رۆژهەڵاتی کوردستان

گەلاوێژ تازەترین دووهەفتەنامەی کوردیی رۆژهەڵاتی کوردستانە، کە لەم رۆژانەدا چووەسەر دەکەی رۆژنامەفرۆشییەکان. تەنیا چەند رۆژێک پێش119 هەمین ساڵی دەرچوونی یەکەمین رۆژنامەی کوردی.

ئەمە و کۆتایی هاتنی خولی یەکەمی سەرۆک کۆماریی حەسەن رووحانی دەرفەتێکە بۆ ئاوڕدانەوەیەک لە رەوشی رۆژنامەنووسی رۆژهەڵاتی کوردستان، لەم ساڵانەدا. 

روحانی پاییزی رابردوو لە پێشانگای چاپەمەنیدا گوتی: “قەڵەمەکان بە بیانووی نابەجێ نەشکێنین، زاری خەڵک بە بیانووی بێ بنەما دانەخەین”.

هەرچەند لەم چەند ساڵەدا رۆژنامەکان داخران و رۆژنامەنووسەکانیش گیران، بەڵام لە رۆژهەڵاتی کوردستان هەندێ گۆڕان دەبینرێ.

رۆژنامەنووسی کوردی لە رۆژهەڵاتی کوردستان کێشەی جۆراوجۆری هەیە. بۆ رۆژنامەی گەلاوێژ دەگەڕێینەوە، کە سەرنووسەری رۆژنامەکە دەڵێ: رۆژنامەگەری کوردی قەیرانی گوتاری هەیە. ئەو دەڵێ: بۆ رۆژنامەنووسی کورد، دەبێت کوردستان تەوەر بێت و گوتاری تایبەت بە خۆی بەرهەم بێنێت.

جیهانی مەجازی کێشەیەکی دیکەی رۆژنامەگەری رۆژهەڵاتە، کە رۆژنامەی رۆژانەی نییە. نموونە تێلەگرام. لەلایەک دەرفەت بۆ رۆژنامە چاپییەکان سنووردار دەکات، لەلایەکی دیکەش کۆسپ بۆ پێکهاتنی گوتاری کوردی دەگرێ. 

لەهەمانکاتیشدا جیهانی مەجازی دەرفەتێکیش بۆ رۆژنامەگەری کوردی لە رۆژهەڵاتی کوردستانە، تا خۆی لە هەندێ وەک سنوورداریەتییەکانی وەک باری دارایی رزگار بکات. هەرچەند بێ کێشە نییە، بەڵام بەشێکی گەورە لە بۆشاییەکانی رۆژنامە پڕ دەکاتەوە. بەگوتەی شارەزایان، گرنگ ئەوەیە چۆن بەکار بهێنرێ.

سه‌رچاوه‌

وه‌ڵام دانه‌وه‌

Please enter your comment!
Please enter your name here