100 پۆلیسی هەرێمی کوردستان لەکارلادران

0
11

پۆلیسەکان کۆچبەریان لە مێرگەسۆرەوە بۆ شەمزینان ناردووە

رووداو-سۆران

100پۆلیسی کوردستان لە کاردورخرانەوە چونکە لە سنووری مێرگەسۆرەوە کۆچبەریان بە قاچاخ بۆ شەمزینان ناردووە.

پۆلیسەکان بە فەرمانی وەزارەتی ناوخۆ لە کارلادران دوای ئەوەی لەسەریان ساغ بووەتەوە کۆچبەری سووری، عەرەب و رۆژئاوای کوردستانیان بە پارە و بەنێو بازگەکاندا بردووەتە سنووری مێرگەسۆر، 100 پۆلیسەکە کار و ناسنامەی خۆیان بەکارهێناوە بۆ دەربازکردنی کۆچبەرەکان بە قاچاخ. 

سه‌عدوون هاودیانی، گوته‌بێژی پۆلیسی سۆران بە رووداوی راگەیاند: “مادده‌ی 45ـیان بەسه‌ردا سه‌پێنراوه‌ كه‌ كاره‌كه‌یان دژ به‌ به‌رژه‌وه‌ندی گشتی بووه‌و قاچاخچێتییان به‌ مرۆڤه‌وه‌ كردووه‌، بۆیه‌ وه‌زاره‌ت لەڕێگه‌ی لێژنه‌یێكه‌وه‌ بڕیاری له‌كار دوورخستنه‌وه‌ی بۆ دەرکردوون”.

ئارام ئیبراهیم، پۆلیسی لەکارلادراو گوتی: “من له‌ 2015 ئه‌و كاره‌م كردووه ‌و كه‌س نه‌یگوتووه‌ نایاساییه‌ تاوەکو ساڵی 2017 ئه‌و كات وتیان و منیش وازم لێیهێنا كه‌چی ئێستا بڕیاره‌كه‌ به‌سه‌رمدا سه‌پێنراوه‌و له‌كار ده‌ركراوم”.

هه‌موو ئه‌وانه‌ به‌تۆمه‌تی بازرگانیكردن به‌ مرۆڤه‌وه‌ له‌كاره‌كانیان دوورخراونه‌ته‌وه‌، دانیان به‌وه‌ ناوه‌ كه‌ كوردانی رۆژئاوا و عه‌ره‌بی سوورییان هێناونه‌ته‌ سۆران.

سادق محه‌ممه‌د، یەکێکی دیکە لەو پۆلیسانەی دوور خراوه‌تەوە بە رووداوی راگەیاند: “من دوای ده‌وام كاری ته‌كسیم ده‌كرد و له‌ وه‌رتێ ژنێك و دوو مێردمنداڵم باركردن بۆ سۆران و له‌ بازگه‌ی وه‌رتێ ئاسایش گرتمی كه‌ ئه‌وانه‌ سووری بوون و نیازیان بووه‌ له‌ رانییه‌وه‌ خۆیان به‌ سنووری مێرگه‌سۆر بگه‌یه‌نن”.

ماوه‌ی چوار ساڵه‌ ئه‌و رێگا شاخاوییانه‌ی له‌ سۆرانه‌وه‌ به‌ره‌و باكووری كوردستان ده‌ڕۆن، خه‌ڵكیان پێدا ده‌بردرێته‌ سنووری شه‌مزینان، ساڵی رابردووش نۆ كه‌س له‌و رێگایه‌دا گیانیان له‌ده‌ستداوه‌.

پێداچوونەوە؛ عومەر شایان

سه‌رچاوه‌

وه‌ڵام دانه‌وه‌

Please enter your comment!
Please enter your name here