جە دهۆک سەرەڕاو ئاستەنگیەکان مووچەوەرێ ناڕەزایەتیشان نیشانە دا

0
124

[ad_1]

نەبییەی مووچەی زۆرش پەی مووچەوەرانو پانیشت (باشور)و کوردستانی ئاوردەن و جە ئی چوارچێوەنە ئارۆ شەممە، جە شارو دهۆک-ی  سەر بە هەرێمو بادینان-ی ژمارێوی فرێ مامۆستێ و موچەوەرێ و چالاکێ مەدەنیێ و هاموڵاتیێ کۆبیێوە و دژ بە نەبییەی و نەڎای مووچەکەی ناڕەزایەتیشان نیشانە دا. کۆبییەکەی جە سەروەختێوەنە ئەنجام دریا کە جە شەوێ ویەدێوە تا بە ئارۆ هێزە ئەمنیەکێ بە هەڕەشێ و ئاستەنگیێ و دەستگیرکەردەی هەوڵشان دابێ کۆبییەکەو ئارۆی ئەنجام نەدریۆن.

سەرچەمەکێ هەواڵی جە دهۆکەوە ئاشکراشان کەرد: “سەرسەبای ئارۆی هەر چەنی دەست پنەکەردەی کۆبییەکەی، هێزە ئەمنیەکێ دهۆک-ی دەورپێچ و گەمارۆو یاگێ کۆبییەکەیشان دان و هەوڵشان دان بەزۆر دماییش پنە باوەرانێ. بەڵام خەڵکی ناڕازی سور بییەن سەرو ئەنجامدایش. جە وەرانوەرەنە هێزە ئەمنیەکێ ئومێد بەرۆشکی یۆ جە ڕێکوزانو چالاکیەکەی و ١٠ کەسێ ناڕازیێ تەرێشان دەستگیرێ کەردێنێ”.

بە پاو دمایین زانیاری کۆبییەکە ناڕەزایەتیەکەو دهۆک-ی تا ئیسە بەردەوامەن و ئاڵۆزیش ونە کەوتەنەوە و هێزە ئەمنیەکێ ڕاگیریشان جە هاموڵاتیانی کەردەن تا پەیوەستێ ناڕەزایەتیەکەی نەبانێ.

شەوێ ویەردێچ، هێزێوی چەکدار هۆرشانکوابێ سەرو یانەو مامۆستا بەدەل بەرواری کە ڕێکوزی سەرەکی کۆبییەکەو ئارۆیەن و دەستگیرشان کەردبێ.

 

[ad_2]

سەرچاوە

وه‌ڵام دانه‌وه‌

Please enter your comment!
Please enter your name here